முதல் கட்ட திமுக வேட்பாளர்கள் பட்டியல் வெளியீடு

2016ம் ஆண்டு உள்ளாட்சி தேர்தலில் போட்டியிடும் திமுக வேட்பாளர்கள் முதல் கட்ட பட்டியல் வெளியிடப்பட்டுள்ளது. இதில் திருச்சி, சேலம், தூத்துக்குடி மாநகராட்சிக்கான திமுக வேட்பாளர்கள் பட்டியல் வெளியிடப்பட்டுள்ளது. தமிழகத்தில் வரும் அக்டோபர் 17 மற்றும் 19-ம் தேதிகளில் இருகட்டமாக தேர்தல் நடைபெற உள்ளது. இதனையடுத்து மற்ற அரசியல் கட்சிகள் வேட்பாளர் பட்டியலை அறிவித்து வருகிறது. இந்நிலையில் இன்று திமுக மற்றும் அதன் கூட்டணி கட்சிகளான காங்கிரஸ், இந்தியன் யூனியன் முஸ்லீம் லீக் ஆகிய கட்சிகளுக்கான இடங்களை திமுக பொதுச்செயலாளர் க.அன்பழகன் வெளியிட்டார்.

தூத்துக்குடி மாநகராட்சி
தூத்துக்குடியில் 6, 25, 35, 39, 50, 58, 59 ஆகிய 7 தொகுதிகள் காங்கிரசுக்கு ஒதுக்கீடு செய்யப்பட்டுள்ளது. தூத்துக்குடி மாநகராட்சியில் இந்தியன் முஸ்லீம் லீக் கட்சிக்கு 20, 53 ஆகிய இரண்டு வார்டுகளை ஒதுக்கியுள்ளது.

சேலம் மாநகராட்சி
சேலம் மாநகராட்சியில் 8, 9, 16, 17, 36 ஆகிய 5 வார்டுகள் காங்கிரஸ் கட்சிக்கு ஒதுக்கப்பட்டுள்ளன. சேலத்தில் 19-வது வார்டு இந்தியன் முஸ்லீம் லீக் கட்சிக்கு ஒதுக்கப்பட்டுள்ளது.