ஸ்டாலினுக்கு பா.ஜ.க., ரிவேஞ் : டுவிட்டரில் டிரெண்டான #GobackStalin

தி.மு.க., செயல்தலைவர் ஸ்டாலின் லண்டனில் இருந்து சென்னை திரும்ப உள்ள நிலையில், மோடியின் ஆதரவாளர்களால் #GobackStalin என்ற ஹேஸ்டேக் டுவிட்டரில் இன்று டிரெண்டாகியுள்ளது. 



பிரதமர் மோடி கடந்த சில நாட்களுக்கு முன்பு தமிழகம் வந்த போது, தி.மு.க.,வினர், கருப்புக் கொடி காட்டியும், 'கோ பேக் மோடி' (Go back Modi) என கோஷங்களை எழுப்பியும் எதிர்ப்பு தெரிவித்தனர். அதுமட்டுமில்லாமல், #gobackmodi என்ற ஹேஸ்டேகின் மூலம் சமூக வலைதளமான டுவிட்டரில் டிரெண்டாக்கினர். இதேபோல, பா.ஜ.க., தேசிய தலைவர் அமித்ஷாவின் வருகையின் போதும் இதே போன்ற எதிர்ப்பை தி.மு.க.,வினர் வெளிப்படுத்தினர். 



இந்த நிலையில், லண்டன் சென்றுள்ள தி.மு.க., செயல்தலைவர் ஸ்டாலின் சென்னை திரும்ப இருந்த நிலையில், பா.ஜ.க., ஆதரவாளர்கள் #GobackStalin என்ற ஹேஸ்டேக்கை அதிகளவு பரப்பி வருகின்றனர். தமிழகம் அளவில் இந்த ஹேஸ்டேக் டிரெண்ட் ஆகிய நிலையில், தி.மு.க., ஆதரவாளர்கள் #welcomestalin என்ற ஹேஸ்டேக்கை பரப்பத் தொடங்கியுள்ளனர். இதனால், டுவிட்டரில், தி.மு.க., பா.ஜ.க., இடையிலான டுவிட்டர் பிரச்சாரம் சூடுபிடித்து வருகிறது.