காதலர் தினத்திற்கு தமிழக அரசு தடை விதிக்க வேண்டும் என்று இந்து மக்கள் கட்சி தலைவர் அர்ஜுன் சம்பத் கூறியுள்ளார்.
கோவை: காதலர் தினத்திற்கு தமிழக அரசு தடை விதிக்க வேண்டும் என்று இந்து மக்கள் கட்சி தலைவர் அர்ஜுன் சம்பத் கூறியுள்ளார்.
இது தொடர்பாக அவர் செய்தியாளர்களிடம் கூறுகையில், "காதலர் தினம் கொண்டாடுவது வணிக நோக்கம் உடையதாகும். அது கலாச்சார சீரழிவை ஏற்படுத்துகிறது. குடும்ப அமைப்பில் காதல் என்பது போற்றுதலுக்கு உரியது. அதனடிப்படையில் இந்த நாட்டில் ஒவ்வொரு நாளும் காதலர் தினம் தான். காதலர் தினத்திற்கு தமிழக அரசு தடை விதிக்க வேண்டும்.
அரசியலில் நடிகர் கமலஹாசன் ரஜினிகாந்துடன் இணைய வாய்ப்பில்லை என்று சொன்னதை வரவேற்கிறோம். காவி என்பதை பயங்கரவாதம் என்று நடிகர் கமலஹாசன் சித்தரிக்க முயல்கிறார். ஆனால், காவி எந்த மதத்திற்கும் எதிரானது அல்ல," என்றார்.