கோவை மாவட்ட அணைகளில் நீர்மட்டம் உயர்வு

Coimbatore: கோவை மாவட்டத்தில் உள்ள முக்கிய அணைகளில் நீர்வரத்து அதிகரித்து வருகிறது. ஆனைமலை, பொள்ளாச்சி, வால்பாறை பகுதிகளில் அமைந்துள்ள ஆழியார், பரம்பிக்குளம், சோலையாறு அணைகளில் நீர்மட்டம் படிப்படியாக உயர்ந்து வருவதாக நீர்வளத்துறை அதிகாரிகள் தெரிவித்துள்ளனர்.

ஆனைமலையை அடுத்த ஆழியார் அணை 120 அடி கொள்ளளவு கொண்டது. அணையின் நீர்ப்பிடிப்பு பகுதிகளில் இருந்து வரும் நீர் வரத்தால் ஆகஸ்ட் 20ஆம் தேதி நிலவரப்படி 62.65 அடியாக நீர்மட்டம் உள்ளது. அணைக்கு வினாடிக்கு 288 கன அடி நீர்வரத்து பதிவாகியுள்ளது. அணையில் இருந்து 200 கன அடி நீர் வெளியேற்றப்பட்டு வருகிறது.

பொள்ளாச்சி அருகே உள்ள பரம்பிக்குளம் அணை 72 அடி கொள்ளளவு கொண்டது. ஆகஸ்ட் 20ஆம் தேதி நிலவரப்படி அணையின் நீர்மட்டம் 39.35 அடியை எட்டியுள்ளது. இது மொத்த கொள்ளளவில் பாதிக்கும் மேற்பட்ட அளவாகும். அணைக்கு வினாடிக்கு 1,159 கன அடி நீர்வரத்து உள்ளது. அதேசமயம், 35 கன அடி நீர் வெளியேற்றப்பட்டு வருகிறது.

வால்பாறை அருகேயுள்ள சோலையாறு அணை 160 அடி கொள்ளளவு கொண்டது. ஆகஸ்ட் 20ஆம் தேதி நிலவரப்படி அணையின் நீர்மட்டம் 105.16 அடியை எட்டியுள்ளது. சோலையாறு அணைக்கு வினாடிக்கு 1,176 கன அடி நீர்வரத்து பதிவாகியுள்ளது. அதேசமயம், 1,315 கன அடி நீர் வெளியேற்றப்படுகிறது. தொடர்ந்து அணையின் நீர்மட்டம் உயரும் நிலையில் உள்ளதாக நீர்வளத்துறை அதிகாரிகள் தெரிவித்தனர்.

நீர்ப்பிடிப்பு பகுதிகளில் கிடைக்கும் மழையின் அடிப்படையில் அணைகளின் நீர்மட்டம் மேலும் உயரும் என எதிர்பார்க்கப்படுகிறது. விவசாயிகள் மற்றும் குடிநீர் தேவைகளுக்கு இந்த நீர்வரத்து பெரும் நிவாரணமாக அமையும் என்று எதிர்பார்க்கப்படுகிறது.