கோவை பீளமேடு வார்டு 27-ல் அங்கன்வாடி மையம், தூய்மைப் பணிகள் ஆய்வு

Coimbatore: சிங்காநல்லூர் சட்டமன்ற தொகுதிக்குட்பட்ட கோயமுத்தூர் மாநகராட்சி வடக்கு மண்டலம் வார்டு எண் 27-ல் இன்று (13.08.2026) காலை பல்வேறு பகுதிகளில் வார்டு கவுன்சிலர் அம்பிகா தனபால் தலைமையில் ஆய்வு மேற்கொள்ளப்பட்டது.



பீளமேட்டு ஆவாரம்பாளையம் பிரதான சாலையில் செயல்பட்டு வரும் அங்கன்வாடி மையத்தை வார்டு கவுன்சிலர் அம்பிகா தனபால் இன்று நேரில் பார்வையிட்டார். அங்கு குழந்தைகளின் வருகைப் பதிவேடு விரிவாக ஆய்வு செய்யப்பட்டது. மையத்தின் செயல்பாடுகள் குறித்தும் விசாரணை நடத்தப்பட்டது.




தொடர்ந்து கல்கி நகர் பகுதியில் சாலையோர குப்பைகள் அகற்றும் பணிகளை நேரில் பார்வையிட்ட அவர், தினசரி முழுமையாக சுத்தம் செய்ய தூய்மை பணியாளர்களுக்கு அறிவுறுத்தினார். சாய்பாபா கோயில் அருகே சாலையோரத்தில் கிடந்த மரக்கழிவுகளை உடனடியாக முழுமையாக அகற்றவும் உத்தரவிட்டார்.




ரங்கம்மாள் கோயில் வீதியில் தினசரி குப்பை சேகரிக்கும் பேட்டரி ஆட்டோ முறையாக வருகிறதா என்பதை ஆய்வு செய்தார். பொதுமக்கள் மக்கும் மற்றும் மக்காத குப்பைகளை தனித்தனியாக பிரித்து வழங்குமாறு கேட்டுக்கொள்ளப்பட்டது. இதன்மூலம் கழிவு மேலாண்மை திறம்பட நடைபெறும் என எதிர்பார்க்கப்படுகிறது.