கோயம்புத்தூர் மாவட்ட அணைகளில் நீர்மட்டம் உயர்வு

Coimbatore: கோயம்புத்தூர் மாவட்டத்தில் தென்மேற்கு பருவமழை தொடர்ந்து பெய்து வருவதால், ஆழியாறு, பரம்பிக்குளம், சோலையாறு ஆகிய முக்கிய அணைகளில் நீர்வரத்து அதிகரித்துள்ளது. ஜூலை 22ஆம் தேதி நிலவரப்படி அணைகளின் நீர்மட்ட விவரங்களை நீர்வளத்துறை அதிகாரிகள் வெளியிட்டுள்ளனர்.

ஆனைமலையை அடுத்துள்ள ஆழியாறு அணை 120 அடி கொள்ளளவு கொண்டது. அணையின் நீர்ப்பிடிப்பு பகுதிகளில் பெய்த மழையின் காரணமாக, ஜூலை 22ஆம் தேதி நிலவரப்படி நீர்மட்டம் 55.55 அடியாக உள்ளது. அணைக்கு வினாடிக்கு 239 கன அடி நீர்வரத்து பதிவாகியுள்ளது. தற்போது அணையில் இருந்து வினாடிக்கு 250 கன அடி நீர் வெளியேற்றப்பட்டு வருகிறது.

பொள்ளாச்சியை அடுத்துள்ள பரம்பிக்குளம் அணை 72 அடி கொள்ளளவு கொண்டது. தென்மேற்கு பருவமழை தொடர்ந்து பெய்து வருவதால், ஜூலை 22ஆம் தேதி நிலவரப்படி நீர்மட்டம் 21.3 அடியாக உயர்ந்துள்ளது. அணைக்கு வினாடிக்கு 645 கன அடி நீர்வரத்து பதிவாகியுள்ளது. அணையில் இருந்து வினாடிக்கு 40 கன அடி நீர் வெளியேற்றப்பட்டு வருகிறது.

வால்பாறையை அடுத்துள்ள சோலையாறு அணை 160 அடி கொள்ளளவு கொண்டது. நீர்ப்பிடிப்பு பகுதிகளில் பெய்த மழையின் காரணமாக, ஜூலை 22ஆம் தேதி நிலவரப்படி நீர்மட்டம் 78.27 அடியாக உள்ளது. அணைக்கு வினாடிக்கு 545 கன அடி நீர்வரத்து பதிவாகியுள்ளது. தற்போது அணையில் இருந்து வினாடிக்கு 782 கன அடி நீர் வெளியேற்றப்பட்டு வருகிறது என நீர்வளத்துறை அதிகாரிகள் தெரிவித்துள்ளனர்.

தென்மேற்கு பருவமழை தொடர்ந்து பெய்து வருவதால், அணைகளின் நீர்மட்டம் படிப்படியாக உயரும் என எதிர்பார்க்கப்படுகிறது. நீர்வளத்துறை அதிகாரிகள் நிலைமையை தொடர்ந்து கண்காணித்து வருகின்றனர்.