கோவை பேரூர் பட்டீஸ்வரர் கோவிலில் ரூ.1.40 கோடி மதிப்பீட்டில் புதிய திருத்தேர் அமைக்கும் திருப்பணிக்கான பாலக்கால் பூஜை நடைபெற்றது. பிற்படுத்தப்பட்டோர் நலத்துறை அமைச்சர் சம்பத்குமார் பூஜையில் பங்கேற்று திருப்பணியை தொடங்கி வைத்தார். பழைய தேரின் உறுதித்தன்மை குறைந்ததால் புதிய தேர் கட்டப்படுகிறது.
கோவை: கோவையின் புகழ்பெற்ற பேரூர் அருள்மிகு பட்டீஸ்வரர் திருக்கோவிலில், ரூ.1.40 கோடி மதிப்பீட்டில் புதிய திருத்தேர் அமைக்கும் பணிக்கான பாலக்கால் பூஜை இன்று சிறப்பாக நடைபெற்றது. பிற்படுத்தப்பட்டோர் நலத்துறை அமைச்சர் சம்பத்குமார் பூஜையில் பங்கேற்று திருப்பணியை தொடங்கி வைத்தார்.
நொய்யல் ஆற்றங்கரையில் அமைந்துள்ள பேரூர் பட்டீஸ்வரர் கோவில், தமிழகத்தின் முக்கிய சிவாலயங்களில் ஒன்றாகும். இக்கோவிலில் ஆண்டுதோறும் நடைபெறும் பங்குனி உத்திரத் திருவிழாவின் முக்கிய நிகழ்வாக தேரோட்டம் நடைபெற்று வருகிறது. சுவாமி மற்றும் அம்பாள் எழுந்தருளும் இந்தத் தேரோட்டத்தில் ஆயிரக்கணக்கான பக்தர்கள் பங்கேற்று தேரை இழுப்பது வழக்கம்.
இந்த நிலையில், பல ஆண்டுகளாக பயன்பாட்டில் இருந்து வந்த பிரதான பெரிய தேரின் மரக்கட்டைகள் மற்றும் உள்கட்டமைப்புகளின் உறுதித்தன்மை குறைந்துள்ளதாக ஆய்வில் கண்டறியப்பட்டதைத் தொடர்ந்து, பக்தர்களின் பாதுகாப்பு மற்றும் கோவிலின் பாரம்பரிய பெருமையை கருத்தில் கொண்டு புதிய திருத்தேர் அமைக்க முடிவு செய்யப்பட்டது.
இதற்காக ரூ.1 கோடியே 40 லட்சம் நிதி ஒதுக்கப்பட்டு, உலகத் தரத்திலான சிற்ப வேலைப்பாடுகள் மற்றும் பாரம்பரிய கலைநயத்துடன் கூடிய புதிய பிரம்மாண்ட தேர் உருவாக்கத் திட்டமிடப்பட்டுள்ளது.
அதன்படி, கோவில் வளாகத்தில் இன்று காலை நடைபெற்ற பாலக்கால் பூஜையில் வேத மந்திரங்கள் முழங்க சிறப்பு வழிபாடுகள் நடைபெற்றன. அமைச்சர் சம்பத்குமார் புதிய தேருக்கான மரக்காலில் புனித நீர் ஊற்றி, திருப்பணிகளை முறைப்படி தொடங்கி வைத்தார்.
இந்த நிகழ்ச்சியில் நல்லறம் அறக்கட்டளையின் நிறுவனர் எஸ்.பி. அன்பரசன், இந்து சமய அறநிலையத் துறை துணை ஆணையர் விமலா, மண்டல உதவி ஆணையர் உஷா நந்தினி, பேரூர் கோவில் உதவி ஆணையர் சத்யவதி, திருத்தேர் ஸ்தபதிகள், வடிவமைப்பாளர்கள், கோவில் பணியாளர்கள் மற்றும் ஏராளமான பக்தர்கள் கலந்து கொண்டனர்.
புதிய திருத்தேர் பணிகள் இன்று முதல் தீவிரமாக நடைபெற உள்ள நிலையில், அடுத்த ஆண்டு நடைபெறும் பங்குனி உத்திரத் தேரோட்டம் புதிய கம்பீரமான திருத்தேரில் நடைபெறும் என கோவில் நிர்வாகம் தெரிவித்துள்ளது.
நொய்யல் ஆற்றங்கரையில் அமைந்துள்ள பேரூர் பட்டீஸ்வரர் கோவில், தமிழகத்தின் முக்கிய சிவாலயங்களில் ஒன்றாகும். இக்கோவிலில் ஆண்டுதோறும் நடைபெறும் பங்குனி உத்திரத் திருவிழாவின் முக்கிய நிகழ்வாக தேரோட்டம் நடைபெற்று வருகிறது. சுவாமி மற்றும் அம்பாள் எழுந்தருளும் இந்தத் தேரோட்டத்தில் ஆயிரக்கணக்கான பக்தர்கள் பங்கேற்று தேரை இழுப்பது வழக்கம்.
இந்த நிலையில், பல ஆண்டுகளாக பயன்பாட்டில் இருந்து வந்த பிரதான பெரிய தேரின் மரக்கட்டைகள் மற்றும் உள்கட்டமைப்புகளின் உறுதித்தன்மை குறைந்துள்ளதாக ஆய்வில் கண்டறியப்பட்டதைத் தொடர்ந்து, பக்தர்களின் பாதுகாப்பு மற்றும் கோவிலின் பாரம்பரிய பெருமையை கருத்தில் கொண்டு புதிய திருத்தேர் அமைக்க முடிவு செய்யப்பட்டது.
இதற்காக ரூ.1 கோடியே 40 லட்சம் நிதி ஒதுக்கப்பட்டு, உலகத் தரத்திலான சிற்ப வேலைப்பாடுகள் மற்றும் பாரம்பரிய கலைநயத்துடன் கூடிய புதிய பிரம்மாண்ட தேர் உருவாக்கத் திட்டமிடப்பட்டுள்ளது.
அதன்படி, கோவில் வளாகத்தில் இன்று காலை நடைபெற்ற பாலக்கால் பூஜையில் வேத மந்திரங்கள் முழங்க சிறப்பு வழிபாடுகள் நடைபெற்றன. அமைச்சர் சம்பத்குமார் புதிய தேருக்கான மரக்காலில் புனித நீர் ஊற்றி, திருப்பணிகளை முறைப்படி தொடங்கி வைத்தார்.
இந்த நிகழ்ச்சியில் நல்லறம் அறக்கட்டளையின் நிறுவனர் எஸ்.பி. அன்பரசன், இந்து சமய அறநிலையத் துறை துணை ஆணையர் விமலா, மண்டல உதவி ஆணையர் உஷா நந்தினி, பேரூர் கோவில் உதவி ஆணையர் சத்யவதி, திருத்தேர் ஸ்தபதிகள், வடிவமைப்பாளர்கள், கோவில் பணியாளர்கள் மற்றும் ஏராளமான பக்தர்கள் கலந்து கொண்டனர்.
புதிய திருத்தேர் பணிகள் இன்று முதல் தீவிரமாக நடைபெற உள்ள நிலையில், அடுத்த ஆண்டு நடைபெறும் பங்குனி உத்திரத் தேரோட்டம் புதிய கம்பீரமான திருத்தேரில் நடைபெறும் என கோவில் நிர்வாகம் தெரிவித்துள்ளது.