மேட்டுப்பாளையம் - திருநெல்வேலி இடையே சிறப்பு ரயில் சேவை நீட்டிப்பு

பாலக்காடு கோட்டம், தெற்கு ரயில்வே சார்பில் பயணிகள் கூட்டத்தை சமாளிக்க மேட்டுப்பாளையம் - திருநெல்வேலி இடையேயான வார சிறப்பு ரயில் சேவை நீட்டிக்கப்பட்டுள்ளது.

இந்த நீட்டிப்பின்படி, ரயில் எண் 06030 திருநெல்வேலி ஜங்ஷன் - மேட்டுப்பாளையம் வார சிறப்பு ரயில் ஆகஸ்ட் 4, 11, 18, 25 மற்றும் செப்டம்பர் 1, 8, 15, 22, 29 ஆகிய தேதிகளில் இயக்கப்படும். இந்த ரயில் திருநெல்வேலி ஜங்ஷனில் இருந்து ஞாயிற்றுக்கிழமைகளில் இரவு 7 மணிக்கு புறப்பட்டு, மறுநாள் காலை 7.30 மணிக்கு மேட்டுப்பாளையம் வந்தடையும்.

அதேபோல, ரயில் எண் 06029 மேட்டுப்பாளையம் - திருநெல்வேலி ஜங்ஷன் வார சிறப்பு ரயில் ஆகஸ்ட் 5, 12, 19, 26 மற்றும் செப்டம்பர் 2, 9, 16, 23, 30 ஆகிய தேதிகளில் இயக்கப்படும். இந்த ரயில் மேட்டுப்பாளையத்தில் இருந்து திங்கட்கிழமைகளில் இரவு 7.45 மணிக்கு புறப்பட்டு, மறுநாள் காலை 7.45 மணிக்கு திருநெல்வேலி ஜங்ஷன் வந்தடையும்.

இந்த நீட்டிப்பு மொத்தம் 9 சேவைகளை உள்ளடக்கியது. மேலும், இந்த ரயில்களின் நிறுத்தங்கள் மற்றும் நேரங்களில் எந்த மாற்றமும் இல்லை என்று பாலக்காடு கோட்டம், தெற்கு ரயில்வே தெரிவித்துள்ளது.