சென்னையில் பகுஜன் சமாஜ் கட்சியின் மாநில தலைவர் கொலை

Coimbatore: சென்னை செம்பியம் பகுதியில் பகுஜன் சமாஜ் கட்சியின் மாநில தலைவர் ஆம்ஸ்ட்ராங் அவரது வீட்டருகே ஆறு பேர் கொண்ட கும்பலால் தாக்கப்பட்டார். இந்த தாக்குதலில் படுகாயமடைந்த அவர் தனியார் மருத்துவமனையில் அனுமதிக்கப்பட்டார்.

படுகாயமடைந்த நிலையில் அப்போலோ மருத்துவமனைக்கு கொண்டு செல்லப்பட்ட ஆம்ஸ்ட்ராங், அங்கு அவரை பரிசோதித்த மருத்துவர்கள் அவர் ஏற்கனவே உயிரிழந்துவிட்டதாக அறிவித்தனர். இச்சம்பவம் தொடர்பாக காவல்துறையினர் கொலை வழக்கு பதிவு செய்து விசாரணை மேற்கொண்டு வருகின்றனர்.

இந்த கொடூரமான தாக்குதல் சம்பவம் அரசியல் கட்சிகள் மற்றும் பொதுமக்கள் மத்தியில் பெரும் அதிர்ச்சியை ஏற்படுத்தியுள்ளது. தாக்குதலுக்கான காரணம் மற்றும் குற்றவாளிகளை கண்டறிவதற்கான விசாரணை தீவிரமாக நடைபெற்று வருகிறது. இச்சம்பவம் குறித்து மேலும் விவரங்கள் வெளியாகவுள்ளன.