மகாவீர் ஜெயந்தி தினத்தை முன்னிட்டு கோவையில் வரும் ஞாயிற்றுக்கிழமை இறைச்சி விற்பனைக்கு மாநகராட்சி தடை

கோவை: வரும் 21.04.2024 ஞாயிற்றுக்கிழமை, மகாவீர் ஜெயந்தி தினத்தை முன்னிட்டு, அன்றைய தினத்தில் தமிழக அரசால் ஆடு, மாடு மற்றும் கோழிகளை வதை செய்வதற்கும், இறைச்சிகளை விற்பனை செய்வதற்கும் தடை செய்யப்பட்டுள்ளது.

எனவே, கோயம்புத்தூர் மாநகராட்சிக்குட்பட்ட பகுதிகளில் செயல்பட்டு வரும் ஆட்டிறைச்சி, மாட்டிறைச்சி, கோழி இறைச்சி மற்றும் பன்றி இறைச்சி கடைகளை மூடும்படி இதன் மூலம் தெரிவிக்கப்படுகிறது. மேலும், மேற்படி தினத்தில் கோயம்புத்தூர் மாநகராட்சியால் செயல்படுத்தப்பட்டு வரும் உக்கடம், சக்திரோடு மற்றும் போத்தனூர் ஆடு/மாடு அறுவைமனைகள் செயல்படாது எனவும் தெரிவிக்கப்படுகிறது.

இந்த உத்திரவினை மீறி செயல்படுவோர் மீது மாநகராட்சி அதிகாரிகளால் கடுமையான நடவடிக்கை எடுக்கப்படும் எனவும் மாநகராட்சி ஆணையாளர் சிவகுரு பிரபாகரன் தெரிவித்துள்ளார்.