சமையல் எரிவாயு சிலிண்டர்களின் விலை அதிகரிப்பு..!

சமையல் எரிவாயு சிலிண்டர்களின் விலையை எண்ணெய் நிறுவனங்கள் அதிகரித்துள்ளன. மானிய சிலிண்டர் விலைகடந்த ஜூன் மாதத்திலிருந்து 6வது முறையாக அதிகரித்துள்ளது. 

14.2 கிலோ எடையுள்ள சமையல் எரிவாயு  சிலிண்டர் ஆண்டுக்கு 12 என்ற எண்ணிக்கையில் மானிய விலையில் வழங்கப்படுகிறது. இதற்கு மேல் சிலிண்டர் வாங்குபவர்கள் சந்தை விலையில் அதனைப் பெற வேண்டும்.  

இந்நிலையில் மானிய விலை மற்றும் மானியமற்ற சமையல் எரிவாயு விலை ஆகிய இரண்டையும் எண்ணெய் நிறுவனங்கள் உயர்த்தியுள்ளன. அதன்படி  மானிய விலையிலான 14.2 கிலோ எடையுள்ள  சமையல் எரிவாயு  சிலிண்டர் 2 ரூபாய் 5 காசுகள் உயர்த்தப்பட்டுள்ளது. 

சென்னையில் இதன் விலை 416 ரூபாய் 9 காசிலிருந்து 418 ரூபாய் 14 காசுகளாக அதிகரித்துள்ளது.

மானியமற்ற சமையல் எரிவாயு சிலிண்டர் விலை 37 ரூபாய் 50 காசுகள் அதிகரித்துள்ளன. சென்னையில் இதன் விலை 501 ரூபாயில் இருந்து 538.50 காசுகளாக உயர்ந்துள்ளது.