மோடியின் ஃபிட்னஸ் வீடியோவை கலாய்த்து வைரலாகும் டிரோல் வீடியோக்கள்..!

சமூக வலைதளங்களில் தனது ஃபிட்னஸ் குறித்து பிரதமர் மோடி வெளியிட்ட வீடியோவை கலாய்த்து, நெட்டின்சன் பல டிரோல் வீடியோக்களை வெளியிட்டு வருகின்றனர். 

கடந்த சில நாட்களுக்கு முன்பு அமைச்சர் ரத்தோரின் ஃபிட்னஸ் சவாலை ஏற்ற கிரிக்கெட் வீரர் கோலி, தனது உடற்பயிற்சி வீடியோவை சமூக வலைதளங்களில் வெளியிட்டார். அப்போது, பிரதமர் மோடி, முன்னாள் கேப்டன் தோனி மற்றும் மனைவி அனுஷ்கா சர்மாவுக்கும் இந்த சவாலை கோலி விடுத்தார். கோலியின் இந்த சவாலை ஏற்பதாகக் கூறிய பிரதமர் மோடி, விரைவில் உடற்பயிற்சி தொடர்பான வீடியோவை வெளியிடுவதாகக் கூறியிருந்தார். 

இந்த நிலையில், இன்று காலை சுமார் 1 நிமிடம் 49 நொடிகள் அடங்கிய வீடியோவை தனது டுவிட்டர் பக்கத்தில் பிரதமர் மோடி வெளியிட்டார். இந்த வீடியோ வெளியானதற்கு பல்வேறு அரசியல் தலைவர்கள் கண்டனம் தெரிவித்தனர். நாட்டில் பல்வேறு பிரச்சனைகள் நிலவி வரும் நிலையில், இந்த வீடியோ தற்போது தேவையானதா..? என்றும் கேள்வி எழுப்பி வருகின்றனர். 

இது போன்ற விமர்சனங்கள் ஒருபுறம் இருந்தாலும், நெட்டின்சன்கள் பிரதமர் மோடியின் வீடியோவைக் கலாய்த்து டிரோல் வீடியோக்களை வெளியிட்டு வருகின்றனர். சுவாமி பாடல்கள், திரைப்படங்களில் இடம்பெற்றுள்ள இசை மற்றும் வீடியோ கேம்களில் உள்ள மியூசிக் போன்றவற்றை அந்த வீடியோவுடன் பொருத்தி தெறிக்க விட்டுள்ளனர். அதனை தற்போது, இங்கு காணலாம்..