கோவை: பீளமேடு பகுதியில் உள்ள சர்வீஸ் அபார்ட்மென்ட்டில் ரூ.60 லட்சம் மதிப்பிலான பழைய 1000 ரூபாய் நோட்டுகள் பறிமுதல் செய்யப்பட்டுள்ளது.
கோவை: பீளமேடு பகுதியில் உள்ள சர்வீஸ் அபார்ட்மென்ட்டில் ரூ.60 லட்சம் மதிப்பிலான பழைய 1000 ரூபாய் நோட்டுகள் பறிமுதல் செய்யப்பட்டுள்ளது.
பீளமேடு பகுதியில் தனியாருக்குச் சொந்தமான சர்வீஸ் அபார்ட்மென்ட் உள்ளது. அங்கு வெங்கடேஷ் என்பவர் போக்கியத்திற்கு எடுத்திருந்த வீட்டில், தஸ்தகீர் என்பவர் வாடகைக்கு குடியிருந்து வருகிறார்.
இந்த நிலையில், இன்று காலை அவரிடம் வாடகை வசூலிப்பதற்காக வெங்கடேஷ் சென்றுள்ளார். ஆனால், அப்போது தஸ்தகீர் அங்கு இல்லை. மேலும், அங்கு கட்டு கட்டாக பழைய 1000 ரூபாய் நோட்டுகள் இருந்தது. இதைக் கண்டு அதிர்ச்சியடைந்த வெங்கடேஷ் பீளமேடு போலீசாரிடம் புகார் அளித்தார்.
இதையடுத்து, சம்பவ இடத்துக்குச் சென்ற போலீசார், ரூ. 60 லட்சம் மதிப்பிலான பழைய 1,000 நோட்டுகளை பறிமுதல் செய்தனர். மேலும், தஸ்தகீரின் காரும் பறிமுதல் செய்யப்பட்டுள்ளது.
முதற்கட்ட விசாரணையில் தஸ்தகீர் நாமக்கல் மாவட்டத்தைச் சேர்ந்தவர் என்று தெரியவந்துள்ளது. அவர் யார்? எதற்காக கோவை வந்தார்? பழைய ரூபாய் நோட்டுகள் யாருடையது? என்பதெல்லாம் குறித்து போலீசார் விசாரித்து வருகின்றனர்.