இரு மாவட்ட நற்பணி இயக்க நிர்வாகிகளுடன் நடிகர் கமல் திடீர் ஆலோசனை

ஜனவரி 31 

சென்னை, திருவள்ளூர் மாவட்ட நற்பணி இயக்க நிர்வாகிகளுடன் நடிகர் கமலஹாசன் இன்று திடீர் ஆலோசனை நடத்தினார். 

நடிகர் கமல் தீவிர அரசியலில் ஈடுபடப்போவதாக அறிவித்த நிலையில், வரும் பிப்ரவரி 21 ஆம் தேதியன்று குடியரசு முன்னாள் தலைவர் அப்துல் கலாமின் வீட்டிலிருந்து தனது அரசியல் பிரவேசத்தை துவங்க உள்ளதாகவும், அன்றே கட்சியின் பெயரையும் அறிவிப்பதாகத் தெரிவித்துள்ளார்.

இதுகுறித்து ஏற்கனவே தனது மன்ற நிர்வாகிகளுடன் கமலஹாசன் ஆலோசனை நடத்தி இருக்கிறார். இந்த நிலையில், இன்று சென்னை ஆழ்வார்பேட்டையில் உள்ள தனது அலுவலகத்தில் மாநில மன்ற நிர்வாகிகளுடன் திடீர் ஆலோசனை நடத்தினார். இதில் சென்னை, திருவள்ளூர் மாவட்ட நிர்வாகிகளும் கலந்து கொண்டனர்.