தமிழக அரசியலில் பரபரப்பை ஏற்படுத்தும் ரஜினிகாந்த்: இன்று மாலை கலைஞரை சந்திக்கிறார் ?

ஜனவரி 3

தனிக்கட்சி தொடங்கி, வரும் சட்டமன்றத் தேர்தலில் போட்டியிட உள்ளதாக நடிகர் ரஜினிகாந்த் அறிவித்துள்ள நிலையில், இன்று திமுக தலைவர் கருணாநிதியை சந்திக்க உள்ளதாகத் தகவல்கள் வெளியாகியுள்ளன.

நடிகர் ரஜினிகாந்த் அரசியலுக்கு வரப்போவதாகவும், தனிக்கட்சி தொடங்கப் போவதாகவும் அறிவித்திருந்தார். மேலும், தான் செய்யப்போவது ஆன்மீக அரசியல் என்றும், அதில் உண்மை, நேர்மையைப் பின்பற்ற உள்ளதாகவும் அவர் கூறியுள்ளார். 

இதனிடையே, இன்று மாலை நடிகர் ரஜினிகாந்த், கருணாநிதியின் இல்லத்திற்குச் சென்று அவரைச் சந்திக்க உள்ளதாக தகவல்கள் வெளியாகியுள்ளன. ரஜினி, தான் அரசியலில் ஈடுபடுவது உறுதி என அறிவித்த பின்பு அதற்கான பணிகளில் தீவிரமாக ஈடுபட்டுள்ள நிலையில், திமுக தலைவரை சந்திப்பதாக வெளியாகியுள்ள தகவல் பெரும் எதிர்பார்ப்பை ஏற்படுத்தியுள்ளது.