தமிழக வெற்றிக் கழகத்தின் முதல் மாநில மாநாடு அக்டோபர் 27ஆம் தேதி விழுப்புரம் மாவட்டம் விக்கிரவாண்டி அருகே உள்ள வி.சாலை கிராமத்தில் நடைபெறும் என்று கழகத் தலைவர் விஜய் அறிவித்துள்ளார்.
Coimbatore: தமிழக வெற்றிக் கழகத்தின் தலைவர் விஜய் இன்று (செப்டம்பர் 20) வெளியிட்டுள்ள அறிக்கையில், கழகத்தின் முதல் மாநில மாநாடு வருகின்ற அக்டோபர் 27ஆம் தேதி மாலை 4 மணி அளவில் விழுப்புரம் மாவட்டம், விக்கிரவாண்டி அருகே உள்ள வி.சாலை கிராமத்தில் நடைபெறும் என்று அறிவித்துள்ளார்.
இந்த மாநாட்டில் தமிழக வெற்றிக் கழகத்தின் கொள்கைகள் மற்றும் கொள்கை சார்ந்த செயல் திட்டங்கள் பிரகடனப்படுத்தப்படும் என்று தெரிவிக்கப்பட்டுள்ளது. இது தமிழக அரசியல் களத்தில் புதிய நம்பிக்கையை விதைக்கும் வகையில் அமையும் என்றும் எதிர்பார்க்கப்படுகிறது.
விஜய் தனது அறிக்கையில், "கழகக் கொடியேற்று விழாவின்போது, நமது முதல் மாநில மாநாட்டுத் தேதியை அறிவிப்பதாகக் கூறியிருந்தோம். நமது வெற்றிக் கொள்கை மாநாடு, நம்மை வழிநடத்தப் போகும் கொள்கைகளையும் நாம் அடையப் போகும் இலக்குகளையும் முழங்கும் அரசியல் திருவிழாவாகவும் பெருவிழாவாகவும் கொண்டாடப்படவுள்ளது," என்று குறிப்பிட்டுள்ளார்.
மேலும், மாநாட்டிற்கான ஆயத்தப் பணிகள் ஏற்கெனவே நடந்துவரும் நிலையில், அதற்கான களப்பணிகளும் தொடங்கப்பட உள்ளதாக தெரிவித்துள்ளார். இந்த மாநாட்டில் இருந்து வலிமையான அரசியல் பெரும்பாதையை அமைக்க உள்ளதாகவும் கூறியுள்ளார்.
இறுதியாக, "தமிழ்நாட்டு மண்ணைச் சேர்ந்த மகனாக, ஒட்டுமொத்த தமிழ்நாட்டு மக்களின் ஆதரவையும் ஆசிகளையும் உரிமையுடன் வேண்டுகிறேன்," என்று விஜய் தனது அறிக்கையில் குறிப்பிட்டுள்ளார்.
இந்த மாநாட்டில் தமிழக வெற்றிக் கழகத்தின் கொள்கைகள் மற்றும் கொள்கை சார்ந்த செயல் திட்டங்கள் பிரகடனப்படுத்தப்படும் என்று தெரிவிக்கப்பட்டுள்ளது. இது தமிழக அரசியல் களத்தில் புதிய நம்பிக்கையை விதைக்கும் வகையில் அமையும் என்றும் எதிர்பார்க்கப்படுகிறது.
விஜய் தனது அறிக்கையில், "கழகக் கொடியேற்று விழாவின்போது, நமது முதல் மாநில மாநாட்டுத் தேதியை அறிவிப்பதாகக் கூறியிருந்தோம். நமது வெற்றிக் கொள்கை மாநாடு, நம்மை வழிநடத்தப் போகும் கொள்கைகளையும் நாம் அடையப் போகும் இலக்குகளையும் முழங்கும் அரசியல் திருவிழாவாகவும் பெருவிழாவாகவும் கொண்டாடப்படவுள்ளது," என்று குறிப்பிட்டுள்ளார்.
மேலும், மாநாட்டிற்கான ஆயத்தப் பணிகள் ஏற்கெனவே நடந்துவரும் நிலையில், அதற்கான களப்பணிகளும் தொடங்கப்பட உள்ளதாக தெரிவித்துள்ளார். இந்த மாநாட்டில் இருந்து வலிமையான அரசியல் பெரும்பாதையை அமைக்க உள்ளதாகவும் கூறியுள்ளார்.
இறுதியாக, "தமிழ்நாட்டு மண்ணைச் சேர்ந்த மகனாக, ஒட்டுமொத்த தமிழ்நாட்டு மக்களின் ஆதரவையும் ஆசிகளையும் உரிமையுடன் வேண்டுகிறேன்," என்று விஜய் தனது அறிக்கையில் குறிப்பிட்டுள்ளார்.