கொல்கத்தாவில் கொல்லப்பட்ட பெண் மருத்துவருக்கு அஞ்சலி செலுத்த திருப்பூர் அரசு மருத்துவக் கல்லூரி மாணவர்கள் மெழுகுவர்த்தி ஏந்தி ஊர்வலம் நடத்தினர். கருப்பு பட்டை அணிந்து, பதாகைகளுடன் மௌன அஞ்சலி செலுத்தினர்.
திருப்பூர்: கொல்கத்தாவில் பெண் பயிற்சி மருத்துவர் கொலை செய்யப்பட்ட சம்பவம் நாடு முழுவதும் அதிர்வலைகளை ஏற்படுத்தியுள்ளது.
இச்சம்பவத்தைக் கண்டித்து திருப்பூர் அரசு மருத்துவக் கல்லூரி மருத்துவமனையில் பயிலும் மாணவர்கள் மெழுகுவர்த்தி ஊர்வலம் நடத்தினர்.
திருப்பூர் அரசு மருத்துவக் கல்லூரி மருத்துவமனை வளாகத்தில் மாணவர்கள் கையில் மெழுகுவர்த்தி ஏந்தியபடி ஊர்வலமாக வந்தனர்.
இதன்போது அவர்கள் மௌன அஞ்சலியும் செலுத்தினர். மேலும், கொல்லப்பட்ட மருத்துவருக்கு நீதி கேட்டும், இந்த சம்பவத்தைக் கண்டிக்கும் விதமாகவும் பதாகைகளை ஏந்தியபடி ஊர்வலம் நடத்தினர்.
மாணவர்கள் கருப்பு பட்டை அணிந்து தங்கள் எதிர்ப்பை வெளிப்படுத்தினர். இந்த ஊர்வலத்தில் கலந்து கொண்ட மாணவர்கள், மருத்துவர்களுக்கு எதிரான வன்முறைகள் தடுக்கப்பட வேண்டும் என்றும், மருத்துவர்களின் பாதுகாப்பு உறுதி செய்யப்பட வேண்டும் என்றும் கோரிக்கை விடுத்தனர்.