கோவை மாவட்ட திட்டக்குழு உறுப்பினர் தேர்தல் வரும் ஜூன் 23ஆம் தேதி நடைபெற உள்ள நிலையில் கோவை மாநகர் மாவட்ட திமுக சார்பில், டாடாபாத் பகுதியில் உள்ள திமுக தலைமை அலுவலகத்தில் தேர்தல் தொடர்பான ஆலோசனை கூட்டம் நடைபெற்றது.
கோவை: கோவை மாவட்டம் டாடாபாத் பகுதியில் திட்டக்குழு உறுப்பினர் தேர்தல் தொடர்பான திமுக ஆலோசனை கூட்டம் நடைபெற்றது.
கோவை மாவட்ட திட்டக்குழு உறுப்பினர் தேர்தல் வரும் ஜூன்23ஆம் தேதி கோவை மாவட்ட ஆட்சியர் அலுவலகத்தில் காலை 10 மணி முதல் மாலை 3 மணி வரை நடைபெற உள்ளது. அன்றைய தினமே வாக்கு எண்ணிக்கையும் நடைபெறவுள்ளது.
இந்நிலையில், கோவை மாநகர் மாவட்ட திமுக சார்பில், டாடாபாத் பகுதியில் உள்ள திமுக தலைமை அலுவலகத்தில் தேர்தல் தொடர்பான ஆலோசனை கூட்டம் நடைபெற்றது.
கோவை மாநகர் மாவட்ட செயலாளர் நா.கார்த்திக், கோவை தெற்கு மாவட்ட செயலாளர் தளபதி முருகேசன், கோவை வடக்கு மாவட்ட செயலாளர் ரவி ஆகியோர் முன்னிலையில் இந்த கூட்டம் நடைபெற்றது.
இந்த கூட்டத்தில், திமுக கோவை மாவட்ட கழக நிர்வாகிகள், நகர ஒன்றிய கழக செயலாளர்கள், பகுதி கழக செயலாளர்கள், பேரூர் கழக செயலாளர், கோவை மாநகராட்சி மேயர், துணை மேயர், மண்டல தலைவர்கள், நிலை குழு தலைவர்கள், மாவட்ட ஊராட்சி மன்ற உறுப்பினர்கள், நகராட்சி மற்றும் பேரூராட்சி தலைவர்கள் ஆகியோர் பங்கேற்றனர்.