கோவையில் கல்பனா சாவ்லா விருதுக்கு விண்ணப்பங்கள் வரவேற்பு

Coimbatore: கோவை மாவட்டத்தைச் சேர்ந்த துணிவு மற்றும் வீரசாகச செயல்களுக்கான கல்பனா சாவ்லா விருதுக்கு விண்ணப்பிக்குமாறு மாவட்ட ஆட்சித்தலைவர் பவன் குமார் அறிவித்துள்ளார்.

துணிவு மற்றும் வீர சாகச செயல்களுக்கான தமிழ்நாடு அரசின் கல்பனா சாவ்லா விருது ஒவ்வொரு ஆண்டும் முதலமைச்சர் அவர்களால் சுதந்திர தின விழாவின்போது வழங்கப்படுகிறது. துணிச்சல் மற்றும் வீரசாகச் செயல்புரிந்த தமிழகத்தைச் சேர்ந்த பெண் விண்ணப்பதாரர்கள் இவ்விருதிற்கு விண்ணப்பிக்கலாம் என்று தெரிவிக்கப்பட்டுள்ளது.

உரிய தகுதியுள்ள விண்ணப்பதாரர்கள் விரிவான தன்விவரக் குறிப்பு, உரிய விவரங்கள் மற்றும் அதற்குரிய ஆவணங்களுடன் www.awards.tn.gov.in என்ற இணையதளம் மூலம் விண்ணப்பித்து, மாவட்ட ஆட்சியர் வளாகத்தில் செயல்படும் மாவட்ட சமூகநல அலுவலகத்தில் ஜூன் 19, 2026-க்குள் கருத்துரு சமர்ப்பிக்க வேண்டும் என மாவட்ட ஆட்சித்தலைவர் பவன் குமார் தெரிவித்துள்ளார்.

இந்த விருது, தங்களது துணிச்சலான செயல்களால் சமூகத்திற்கு முன்மாதிரியாக விளங்கும் பெண்களை ஊக்குவிக்கும் நோக்கில் வழங்கப்படுகிறது. விண்ணப்பதாரர்கள் தங்களது வீரசாகச செயல்கள் தொடர்பான அனைத்து ஆவணங்களையும் சரியாக சமர்ப்பிக்க வேண்டும் என அறிவுறுத்தப்பட்டுள்ளது.