கோவை துடியலூரில் சுடுகாடு மேம்பாட்டுப் பணிகள்: சட்டமன்ற உறுப்பினர் PRG. அருண்குமார் ஆய்வு

கோவை: கோவை மாநகராட்சி துடியலூர் பகுதி 15-வது வார்டில் அமைந்துள்ள சுப்ரமணியபுரம் ஜல்லிக்கொரையில் உள்ள சுடுகாடு பகுதியின் சுற்றுச்சுவர் கட்டுதல் மற்றும் எரிமேடை அமைத்தல் தொடர்பாக கவுண்டம்பாளையம் சட்டமன்ற உறுப்பினர் PRG. அருண்குமார் நேரில் ஆய்வு மேற்கொண்டார்.

இப்பகுதி மக்கள் அண்மையில் சுடுகாட்டின் சுற்றுச்சுவர் கட்டுதல் மற்றும் எரிமேடை அமைத்தல் குறித்து கோரிக்கை விடுத்திருந்தனர். இக்கோரிக்கையை ஏற்று, செப்டம்பர் 3 ஆம் தேதி சட்டமன்ற உறுப்பினர் PRG. அருண்குமார் நேரில் சென்று ஆய்வு மேற்கொண்டார்.



ஆய்வின் போது, சுடுகாட்டின் தற்போதைய நிலை குறித்து விவரமாக கேட்டறிந்த சட்டமன்ற உறுப்பினர், மக்களின் கோரிக்கைகளை கவனமாக கேட்டறிந்தார். பின்னர், சுற்றுச்சுவர் கட்டுதல் மற்றும் எரிமேடை அமைத்தல் பணிகள் விரைவில் தொடங்கப்படும் என உறுதியளித்தார்.

இந்த ஆய்வின் போது, திமுக கழக நிர்வாகிகள் மற்றும் பொதுமக்கள் உடனிருந்தனர். சுடுகாடு மேம்பாட்டுப் பணிகள் விரைவில் தொடங்கப்பட்டு, பொதுமக்களின் தேவை பூர்த்தி செய்யப்படும் என எதிர்பார்க்கப்படுகிறது.