அதிமுக சட்டமன்ற உறுப்பினர் மற்றும் அவரது மனைவியின் பெயர் இறந்தவர் பட்டியலில் சேர்க்கப்பட்டதால் அக்கட்சியினர் அதிர்ச்சி

தேர்தல் ஆணைய அறிவுறையின்படி நடைபெறவுள்ள உள்ளாட்சித் தேர்தல் தொடர்பான ஆலோசனைக் கூட்டம் மற்றும் வரைவு வாக்காளர் பட்டியில் வெளியீடு கோவை மாவட்ட ஆட்சியர் ஹரிஹரன் தலைமையில் நேற்று நடைபெற்றது.

அங்கீகரிக்கப்பட்ட கட்சியினர் முன்னிலையில் வெளியிடபட்ட இதில் ஆளுங்கட்சி சூலூர் சட்டமன்ற தொகுதி அதிமுக எம்.எல்.ஏ கனகராஜ் மற்றும் அவரது மனைவி ரத்தினம் ஆகியோர் இறந்தவர் பட்டியலில் இருப்பதை கண்டு அக்கட்சியினர் அதிர்ச்சி அடைந்தனர். 

இது குறித்து அதிமுக கட்சியினர் கூறுகையில், ஒரு சட்டமன்ற உருப்பினருக்கே இந்த நிலை என்றால் சாதாரண பொதுமக்களின் நிலை குறித்து கவலை அளிப்பதாக தெரிவித்தனர். மேலும், அதிகாரிகளின் மெத்தனப் போக்கே இதற்கு காரணம் என குற்றம் சாட்டினர்