சைபீரீயாவில் ஹெலிகாப்டர் விபத்து: 19 பேர் பலி

ரஷ்யாவில் உள்ள யாமல் தீபகற்ப பிராந்தியத்திற்குட்பட்ட சைபிரியாவில் அந்நாட்டுக்கு சொந்தமான மி-8 ரக ஹெலிகாப்டர் 22 பேருடன் சென்று கொண்டிருந்தது. இந்த ஹெலிகாப்டர் திடிரென விபத்துக்குள்ளானது. இதில் ஹெலிகாப்டரில் பயணம் செய்த 19 பேர் சம்பவ இடத்திலேயே பலியாகினர்.

3 பேர் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டனர். ஹெலிகாப்டர் விபத்து ஏற்பட்டதற்கான காரணம் எதுவும் வெளியாகவில்லை. உரேன்காய் பகுதிக்கு எண்ணைய் நிறுவன தொழிலாளர்களை விபத்துக்குள்ளான ஹெலிகாப்டர் ஏற்றிச்சென்றதாக நம்பப்படுகிறது. இந்த விபத்து குறித்து அதிகாரிகள் விசாரணை துவங்கியுள்ளனர்.