பராமரிப்பு பணி காரணமாக சேரன்மாநகர் சுற்றுப்புறப் பகுதிகளில் இரண்டு நாட்கள் குடிநீர் விநியோகம் நிறுத்தம்

கோவை: பராமரிப்பு பணிகள் காரணமாக பில்லூர் கூட்டு குடிநீர் திட்டத்தின் கீழ் பயன்பெறும் பகுதிகளில், நாளை மற்றும் நாளை மறுநாள் குடிநீர் விநியோகம் தடைப்படும், என தெரிவிக்கப்பட்டுள்ளது.

இது குறித்து கோவை மாநகராட்சி 22வது வார்டு கவுன்சிலர் கோவை பாபு கூறியதாவது: பில்லூர் கூட்டுக் குடிநீர் திட்டக் குடிநீர் குழாயில் அவசர பராமரிப்பு பணிகள் 22.06.2022 (புதன்கிழமை) மேற்கொள்ளப்பட உள்ளதால், இந்த கூட்டுக் குடிநீர் திட்டத்தின் கீழ் பயன்பெறும் சேரன் மாநகர் மற்றும் சுற்றுப்புற குடியிருப்பு பகுதிகளில் 22.06.2022 அன்று காலை 6:00 மணி முதல், 23.06.2022 இரவு 12:00 மணி வரை குடிநீர் விநியோகம் நிறுத்தப்படும்.

பணிகள் முடிக்கப்பட்டு மீண்டும் 23.06.2022 (வியாழன்) அன்று 12.00 நள்ளிரவுக்கு பின் குடிநீர் விநியோகம் செய்யப்படும் என எதிர்பார்க்கப்படுகிறது. இதனால், பொதுமக்கள் குடிநீரை சிக்கனமாக பயன்படுத்த கேட்டு கொல்லப்படுகின்றனர்.

இவ்வாறு அவர் கூறினார்.