வால்பாறை மற்றும் சுற்றுவட்டாரப் பகுதியில் உள்ள அணைகளின் நீர்மட்டம் நிலவரம்

கோவை: கோவை மாவட்டம் வால்பாறையில் உள்ள அணைகளின் நீர்மட்டம் நிலவரத்தை தற்போது காணலாம்.

கோவை மாவட்டம் மற்றும் அதன் சுற்றுவட்டாரப் பகுதிகளில் கடந்த சில நாட்களாகப் பெய்த தொடர் மழையினால், நீர்நிலைகளில் தண்ணீரின் அளவு அதிகரித்து வருகிறது. கடந்த 24 மணி நேரத்தில் வால்பாறையில் 5 மி.மீ. மழையும், சின்னக்கல்லாரில் 4 மி.மீ., மழையும் பதிவாகியுள்ளது. சின்னக்கல்லார் அருவிக்கு வரும் நீரின் அளவு 596 கனஅடியாகும். அணையில் இருந்து அதே அளவு தண்ணீர் வெளியேற்றப்படுகிறது. நீரார் அணையில் மழையின் அளவு 5 மி.மீ., ஆகும். அணைக்கு விநாடிக்கு 189 கனஅடி நீர் வந்து கொண்டிருக்கிறது. அருவியில் இருந்து 200.69 கனஅடி நீர் வெளியேற்றப்படுகிறது. 

சோலையாறு அணையில் 1 மி.மீ., மழை பெய்துள்ளது. நீர்மட்டம் 160.53 (160) அடியாக உள்ளது. நீர் இருப்பு 5077.03 மில்லியன் கன அடியாகும். விநாடிக்கு 1,502.08 கனஅடி நீர் வந்து கொண்டிருக்கிறது. அணையின் பாதுகாப்பு கருதி, மின் உற்பத்திக்காக பவர் ஹவுஸ் 1-ல் இருந்து 395.37 கனஅடி நீரும், பவர் ஹவுஸ் 2-ல் இருந்து 618.28 கனஅடி நீரும், சேடல் வழியாக 173.73 கனஅடி நீரும் என மொத்தம் 1,187.38கனஅடி நீர் பரம்பிகுளம் அணைக்கு செல்கிறது.