விரைவில் கோவை - சென்னை இடையே அலையன்ஸ் ஏர் விமானப் போக்குவரத்து

கோவை: ஜெட் ஏர்வேஸ் நிறுவனம் கோவைக்கு வழங்கி வந்த சேவையை ரத்து செய்துள்ள நிலையில், கோவை - சென்னை இடையே அலையன்ஸ் ஏர் விமானம் விரைவில் சேவையை வழங்க இருக்கிறது. 

வெளிநாடுகளுக்கு செல்லும் இணைப்பு விமான சேவை இல்லாததால், ஜெட் ஏர்வேஸ் விமான நிறுவனம் கோவைக்கு வழங்கி வந்த தனது சேவையை ரத்து செய்தது. இதனால், கோவை மட்டுமின்றி அண்டை மாவட்டங்களைச் சேர்ந்தவர்களும் பாதிக்கப்பட்டுள்ளனர். இதனால், ஜெட் ஏர்வேஸுக்கு பதிலாக மாற்றுப் போக்குவரத்து சேவை வழங்குவது குறித்து தீவிர ஆலோசனை நடத்தப்பட்ட வந்தது. இந்த நிலையில், கோவை - சென்னை இடையே அலையன்ஸ் ஏர் விமானம் விரைவில் சேவையை வழங்க இருக்கிறது. இதற்கான அதிகாரப்பூர்வ அறிவிப்பு இந்த வாரத்தில் வெளியாகும் என எதிர்பார்க்கப்படுகிறது.