ஜி.ஆர்.டி. கல்லூரியில் மாணவர்களுடன் முன்னாள் ஆஸி., கிரிக்கெட் வீரர் கலந்துரையாடல்

கோவை : ஜி.ஆர்.டி., அறிவியல் கல்லூரியில் ஆஸ்திரேலியாவின் முன்னாள் கிரிக்கெட் வீரரும், கேரள கிரிக்கெட் அணியின் பயிற்சியாளருமான தேவ் வாட்மோர் மாணவர்களுடன் கலந்துரையாடினார்.



இளம் தலைமுறையிடம் கிரிக்கெட் குறித்த ஆர்வத்தை மேலும் ஊக்குவிக்கும் வகையில், ஜி.ஆர்.டி., வணிகவியல் துறையின் சார்பாக முன்னாள் கிரிக்கெட் வீரரும், கேரள கிரிக்கெட் அணியின் பயிற்சியாளருமான தேவ் வாட்மோருடன் கலந்துரையாடல் நிகழ்ச்சிக்கு ஏற்பாடு செய்யப்பட்டது. 



இதில், 100-க்கும் மேற்பட்ட மாணவ, மாணவிகள் கலந்து கொண்டு பல்வேறு கேள்விகளை எழுப்பினர். கிரிக்கெட் விளையாட்டின் மூலமாக பொருளாதாரம் மேம்பாடு மற்றும் புள்ளி விபரங்கள் குறித்த கேள்விக்கு அவர் பதிலளித்தார். இந்த கலந்துரையாடல் நிகழ்ச்சியில் கிரிக்கெட் வீரரும், தொழிலாதிபருமான ஜே.கே., மகேந்திரா கலந்து கொண்டார்.