வால்பாறை சுற்றுவட்டாரப் பகுதியின் நீர்த்தேக்கங்களின் நீர்மட்டம் நிலவரம்

வால்பாறை: வால்பாறை மற்றும் அதன் சுற்றுவட்டாரப் பகுதிகளில் உள்ள அணைகள் மற்றும் நீர்த்தேக்கங்களின் நீர்மட்டம் நிலவரம் வெளியிடப்பட்டுள்ளது. 

கோவை மாவட்டம் மற்றும் அதன் சுற்றுவட்டாரப் பகுதிகளில் பரவலாக மழை பெய்து வருகிறது. கடந்த சில நாட்களாகப் பெய்த தொடர் மழையினால், நீர்நிலைகளில் தண்ணீரின் அளவு அதிகரித்து வருகிறது. 

இதன் ஒருபகுதியாக வால்பாறையில் கடந்த 24 மணி நேரத்தில் வால்பாறையில் 1.6 மி.மீ. மழையும், சின்னக்கல்லாரில் 4 மி.மீ., மழையும் பதிவாகியுள்ளது. சின்னக்கல்லார் அருவிக்கு வரும் நீரின் அளவு 541.08 கனஅடியாகும். அருவியில் இருந்து அதே அளவு நீர் வெளியேற்றப்படுகிறது. 

நீரார் அணையில் மழையின் அளவு 1.6 மி.மீ., ஆகும். அணைக்கு விநாடிக்கு 76.27 கனஅடி நீர் வந்து கொண்டிருக்கிறது. 97.32 கனஅடி நீர் வெளியேற்றப்படுகிறது. சோலையாறு அணையில் 7 மி.மீ., மழை பெய்துள்ளது. நீர்மட்டம் 160.93(160) அடியாக உள்ளது. அணையின் நீர் இருப்பு 5,439.29 கனஅடியாக உள்ளது. விநாடிக்கு 1,009.94 கனஅடி நீர் வந்து கொண்டிருக்கிறது. சேடல் வழியாக 582.18 கனஅடி நீர் பரம்பிகுளம் அணைக்கும், 414.12 கனஅடி நீர் சோலையார் பவர்ஹவுஸ் என 2 வழியாக மின் உற்பத்திக்குப்பின் கேரளா செல்கிறது.