தமிழக அளவில் மருத்துவ தரவரிசைப்பட்டியலில் சென்னை மாணவி முதலிடம்

மருத்துவப் படிப்பில் சேருவதற்கான தரவரிசைப்பட்டியலில், மாநில அளவில் சென்னையைச் சேர்ந்த மாணவி கீர்த்தனா முதலிடம் பிடித்துள்ளார். 

சென்னை ஓமந்தூரார் பன்னோக்கு மருத்துவமனையில் எம்.பி.பி.எஸ், பி.டி.எஸ் படிப்புகளுக்கான தரவரிசைப் பட்டியலை சுகாதாரத் துறை அமைச்சர் விஜயபாஸ்கர் வெளியிட்டார். எம்.பி.பி.எஸ், பி.டி.எஸ் படிப்புகளுக்கான தரவரிசைப் பட்டியலில் சென்னையைச் சேர்ந்த மாணவி கீர்த்தனா 676 மதிப்பெண்கள் பெற்று மாநில அளவில் முதலிடம் பிடித்துள்ளார். 2-வது இடத்தை தருமபுரி மாணவர் அபிஷேக்கும், 3-வது இடத்தை சென்னை மாணவர் பிரவீனும் பிடித்துள்ளனர்.

இதனைத் தொடர்ந்து முதல் 10 இடங்களைப் பிடித்த மாணவர்கள் பட்டியலை வெளியிட்ட அமைச்சர் விஜயபாஸ்கர், மொத்தம் 25,417 விண்ணப்பங்கள் ஏற்கப்பட்டன என்று கூறினார். ஏற்கப்பட்ட விண்ணப்பங்களில் 10,473 மாணவர்களும், 17,593 மாணவிகளும் மற்றும் மாற்றுப்பாலினத்தைச் சேர்ந்தவர் ஒருவர் என்றும் தெரிவிக்கப்பட்டுள்ளது. மேலும், பொதுப் பிரிவில் விண்ணப்பித்த மாணவர்களின் எண்ணிக்கை 28,067 ஆக உள்ளது. 5% ஒதுக்கீடு மாற்றுத் திறனாளிகளுக்கு வழங்கப்படுகிறது.