அமெரிக்கா டாலருக்கு நிகரான இந்திய ரூபாயின் மதிப்பு கடும் வீழ்ச்சி

சர்வதேச அந்நிய செலாவணி சந்தையில் முன்னெப்போதும் இல்லாத அளவிற்கு அமெரிக்க டாலருக்கு நிகரான இந்திய ரூபாயின் மதிப்பு கடும் சரிவை சந்தித்துள்ளது.

இன்றைய வர்த்தகநேர தொடக்கத்தில், டாலருக்கு நிகரான ரூபாய் மதிப்பு 28 காசுகள் சரிந்து 68.89 ஆக இருந்தது. இருப்பினும், சிறிது நேரத்திலேயே மேலும் சரிந்து ரூ. 69 என்ற நிலையை எட்டியது. இதற்கு முன், கடந்த ஜூன் 19-ம் தேதியன்று 68.61 என்ற அளவிற்கு சரிந்தது மிகப் பெரிய சரிவாகக் கருதப்பட்டது. 

ஆனால் ஜூன் 19 க்கு பிறகு தற்போது மிக கடுமையாக சரிந்துள்ளது. நேற்றைய வர்த்தக நேர முடிவில் ரூபாய் மதிப்பு 68.61 ஆக இருந்தது. 2018-ம் ஆண்டில் இதுவரை இந்திய ரூபாய் மதிப்பு 8 சதவீதத்திற்கும் மேல் சரிவடைந்திருப்பது குறிப்பிடத்தக்கது.