கோவையைச் சேர்ந்த பெற்றோர்கள் கவனத்திற்கு..! : தனியார் பள்ளிகளின் கல்விக் கட்டணம் குறித்த விபரம் தெரிய வேண்டுமா..?

கோவை: கோவையில் உள்ள அனைத்துத் தனியார் பள்ளிகளின் கல்விக் கட்டணம் குறித்த தகவல்கள் வெளியிடப்பட்டுள்ளன. 

பொதுவாக தனியார் பள்ளிகளில் திணிக்கப்படும் கட்டணக் கொள்ளையை, குழந்தைகளின் கல்விக்காக பெற்றோர்கள் சுமக்க வேண்டிய நிலையில் உள்ளது. இந்த நிலையில், இதுபோன்று கட்டணக் கொள்ளைகளை தடுக்க தமிழக அரசின் சார்பில், தமிழ்நாடு கல்வி கட்டண நிர்ணய கமிட்டி நியமிக்கப்பட்டுள்ளது. இந்த கமிட்டியானது, தமிழகம் முழுவதும் தனியார் பள்ளிகளில் வசூலிக்கப்படும் கட்டணத்தை முறைப்படுத்துகிறது. எனவே, கோவையில் உள்ள அனைத்து தனியார் பள்ளிகளின் கட்டணங்களையும் பட்டியலிட்டு, மாவட்ட வாரியமாக அறிவித்துள்ளது. அதனை https://goo.gl/gXa225 என்ற இணையதள முகவரியில் தெரிந்து கொள்ளலாம். 

மேலும், தங்கள் குழந்தைகள் படிக்கும் பள்ளியில், டியூஷன், புத்தகம், சீருடை போன்ற கட்டணங்களைத் தவிர, வேறு ஏதேனும் கட்டணம் வசூலித்தால், தமிழ்நாடு கல்வி கட்டண நிர்ணய கமிட்டி, DPI கேம்பஸ், சென்னை 600006 என்ற முகவரிக்குப் புகாரை கடிதம் மூலம் தக்க சான்றுகளுடன் அனுப்பவும். புகார் உறுதியானால், தாங்கள் கட்டிய கூடுதல் பணம் திரும்ப கிடைக்க வழி வகை செய்யப்படும் என அறிவிக்கப்பட்டுள்ளது.