ஈஷா யோகா மையத்தில் 21 நாள் ஹத யோகா பயிற்சி நிறைவு

கோவை: ஈஷா யோகா மையத்தில் நடைபெற்ற 21 நாள் ஹத யோகா பயிற்சி நிறைவடைந்தது.



அமெரிக்கா, சீனா, கனடா உள்ளிட்ட 25-க்கும் மேற்பட்ட நாடுகளைச் சேர்ந்த 1,000 பேருக்கு கோவை ஈஷா யோகா மையத்தில் ஹத யோகா பயிற்சி கற்றுக்கொடுக்கப்பட்டது. 21 நாள் ஹத யோகா பயிற்சி வகுப்பு கடந்த மே 24-ம் தேதி தொடங்கியது.



இந்த பயிற்சியில் கலந்து கொண்டவர்களுக்கு அங்கமர்த்தனா, பூதசுத்தி, சூர்யகிரியா, ஈஷாகிரியா, அம்மந்திர உச்சாடானை, உபயோகா, யோகாசனங்கள் போன்ற சக்தி வாய்ந்த யோக பயிற்சிகள் கற்றுக்கொடுக்கப்பட்டன. 21 நாள் பயிற்சி ஜுன் 13-ம் தேதி முடிவடைந்தது.



ஹத யோகாவிற்காகவே பிரதிஷ்டை செய்யப்பட்டுள்ள ஆதியோகி ஆலயத்தில் இந்த பயிற்சி வழங்கப்படுவது குறிப்பிடத்தக்கது.