காலி தொகுதிகளுக்கான இடைத்தேர்தல் முடிவுகள்: பா.ஜ.க.,வுக்கு பின்னடைவு

கர்நாடகா, மகராஷ்டிரா உள்ளிட்ட பல்வேறு மாநிலங்களில் காலியாக இருந்த தொகுதிகளில் நடைபெற்ற இடைத்தேர்தல் முடிவுகளில் பா.ஜ.க.,வுக்கு பின்னடைவு ஏற்பட்டுள்ளது.

நாடு முழுவதும் 11 மாநிலங்களில் காலியாக உள்ள 11 சட்டசபை தொகுதிகள், 4 மக்களவை தொகுதிகளுக்கு இடைத்தேர்தலும், கர்நாடக மாநிலம் ஆர்.ஆர். தொகுதியில் சட்டசபை தேர்தலும் கடந்த வாரம் நடந்தது. இதில், பதிவான வாக்குகள் இன்று எண்ணப்பட்டன. அதில், கர்நாடகா மாநிலம் ஆர்.ஆர். தொகுதி சட்டசபை தேர்தலில் காங்கிரஸ் 4 இடங்களிலும், பா.ஜ.க., ஒரு இடத்திலும், மாநில கட்சிகள் 6 இடங்களிலும் வெற்றி பெற்றுள்ளன. கர்நாடக மாநிலம் ஆர்.ஆர். தொகுதியில் காங்., வேட்பாளர் முனிரத்னா 41,162 வாக்குகள் வித்தியாசத்தில் வெற்றி பெற்றுள்ளார்.

ஜார்கண்ட் மாநிலம் கோமியா, சில்லி ஆகிய சட்டசபை தொகுதிகளில் ஜார்கண்ட் முக்தி மோர்ச்சா வெற்றி பெற்றுள்ளது. உத்தரகாண்ட் தாராலி லோக்சபா தொகுதியில் பா.ஜ.க., வெற்றி பெற்றுள்ளது. இதே போல, மகாராஷ்டிரா மாநிலம் பல்கர் மக்களவை தொகுதியிலும் பா.ஜ.க., வெற்றி பெற்றுள்ளது. உத்தரபிரதேசம் மாநிலம் மக்களவை தொகுதிகளான கைரானா தொகுதியில் ராஷ்டிரிய லோக்தள் கட்சியும், நூர்பூர் தொகுதியில் சமாஜ்வாதி கட்சியும் வெற்றி பெற்றுள்ளன.