சேலம் வழியாக கோவைக்கு வரும் ரயில்களின் நேரம் மாற்றியமைப்பு

பாளையம் - ஈரோடு ரயில் நிலையத்தில் மேற்கொள்ளப்படவிருக்கும் கட்டுமானப் பணிகள் காரணமாக வரும் 21-ம் தேதி முதல் ரயில்களின் நேரம் மாற்றம் செய்யப்பட்டுள்ளது.

இது தொடர்பாக தெற்கு ரயில்வே வெளியிட்டுள்ள அறிவிப்பில், பாளையம் - ஈரோடு ரயில் நிலையத்தில் மேற்கொள்ளப்படவிருக்கும் கட்டுமானப் பணிகள் காரணமாக சேலம் வழியாக வரும் ரயில்களின் நேரம் 21-ம் தேதி முதல் 3 நாட்களுக்கு மாற்றப்பட்டுள்ளது.

ரயில் எண் (56320) கோவை - நாகர்கோவில் விரைவு பயணிகள் ரயில், கோவை - பாளையம் ரயில் நிலையம் இடையே சுமார் 60 நிமிடங்கள் நிறுத்தி வைக்கப்படும்.

ரயில் எண் (56826) திருநெல்வேலி - ஈரோடு பயணிகள் ரயில், திண்டுக்கல் ரயில் நிலையத்தில் சுமார் 50 நிமிடங்கள் நிறுத்தப்படும்.

ரயில் எண் (16340) நாகர்கோவில் - மும்பை எக்ஸ்பிரஸ், வெள்ளியனை ரயில் நிலையத்தில் சுமார் 10 நிமிடங்கள் நிறுத்தி வைக்கப்படும்.

ரயில் எண் (56846) ஈரோடு - ஜோலார்பேட்டை ரயில், ஈரோடு ரயில்நிலையத்திற்கு மாலை 04.10 மணிக்கு பதிலாக 5 மணிக்கு வந்தடையும்.