கிராம ஊராட்சிகளில் குடிநீர் பிரச்சனைகள் குறித்த புகார்களுக்கு இலவச தொலைப்பேசி எண் அறிவிப்பு

கோவை : கோவையில் ஊரக பகுதிகளில் குடிநீர் பிரச்சினைகளை குறித்த புகார்களை தெரிவிக்க இலவச தொலைபேசி எண்ணை மாவட்ட ஊரக வளர்ச்சி முகமை அறிவித்துள்ளது. 

ஊரக பகுதிகளில் (கிராம ஊராட்சிகளில்) நிலவிவரும் குடிநீர் பிரச்சினைகளை தீர்க்கும் விதமாக பொதுமக்கள் குடிநீர் தொடர்பான புகார்களை 1800 599 6000 என்ற இலவச தொலைப்பேசி எண்ணிலும், 0422-2301587 என்ற தொலைபேசி எண்ணிலும் புகார் தெரிவிக்கலாம். 

இதுகுறித்து மாவட்ட ஊரக வளர்ச்சி முகமை திட்ட இயக்குநர் ரூபன்சங்கர்ராஜ் தெரிவித்ததாவது :- கோவை மாவட்ட ஆட்சியரின் அறிவுரையின்படி ஊரக பகுதிகளில் (கிராம ஊராட்சிகளில்) நிலவிவரும் குடிநீர் பிரச்சனைகளை தீர்;க்கும் விதமாக பொதுமக்கள் தங்களுடைய புகார்களை (குடிநீர் தொடர்பான) தெரிவிக்க கோவை மாவட்ட ஊரக வளர்ச்சி முகமையில் குடிநீர் புகார் பிரிவு தொடங்கப்பட்டுள்ளது. எனவே, ஊரக பகுதிகளில் நிலவிவரும் குடிநீர் பிரச்சனைகள் குறித்து பொதுமக்கள் தங்களுடைய புகார்களை 1800-599-6000 என்ற இலவச தொலைபேசி எண்ணிலும், 0422-2301587 என்ற தொலைபேசி எண்ணிலும் தெரிவிக்கலாம், இவ்வாறு தெரிவித்துள்ளார்.