நீரிழிவு நோயை கட்டுப்படுத்த மொபைல் செயலி அறிமுகம்

கோவை : நீரிழிவு நோயிலிருந்து குழந்தைகளை பாதுகாப்பது தொடர்பான சிகிச்சை முறைகள் அடங்கிய பிரத்யேக செயலி கோவையில் அறிமுகப்படுத்தப்பட்டது. 

ஸ்ரீ ராமகிருஷ்ணா மருத்துவமனையின் நீரிழிவு, தைராய்டு மற்றும் உட்சுரப்பிகள் துறை மற்றும் கோவை ஆப்ஸ்டெடிக்ஸ் கைனே சொசைட்டி. இணைந்து 4-வது நீரிழிவு மற்றும் சுரப்பிகளின் மாநாடு நடைபெற்றது. உலகளவில் பெருகி வரும் நோய்களில் முக்கியமான குழந்தைகளின் உடல்பருமனை மையமாகக் கொண்டு இந்த மாநாடு நடத்தப்பட்டது. பல்வேறு நாடுகளைச் சேர்ந்த மருத்துவர்கள் கலந்து கொண்டு, மருத்துவமுறை குறித்து ஆலோசனை நடத்தினர்.

நிகழ்ச்சியின் முக்கிய நிகழ்வாக, அதிகளவு குழந்தைகள் பாதிக்கும் நீரிழிவு நோய் மற்றும் அவற்றின் சிகிச்சை முறைகள் அடங்கிய பிரத்யேக செயலி அறிமுகப்படுத்தப்பட்டது. 

இந்த மாநாடு தொடர்பாக ஸ்ரீ ராமகிருஷ்ணா மருத்துவமனையின் நீரிழிவு, தைராய்டு மற்றும் உட்சுரப்பிகள் துறையைச் சேர்ந்த மருத்துவர் சுரேஷ் தாமோதரன் கூறுகையில், "நீரிழிவு நோய் குறித்த போதிய விழிப்புணர்வை ஏற்படுத்த செய்ய வேண்டும். உணவு திட்டமிடல், உடற்பயிற்சி மற்றும் மூச்சுப் பயிற்சிகளை மேற்கொள்வதன் அவசியத்தை தெரிந்து கொள்ள வகை செய்ய வேண்டும்," என்றார்.