6 தீர்மானங்களை நிறைவேற்றி பொதுக்குழு கூட்டம்

கோவை: கேம்பஸ் பிரண்ட் ஆப் இந்தியாவினர் கோவையில் நடத்திய பொதுக்குழு கூட்டத்தில் 6 தீர்மானங்கள் நிறைவேற்றப்பட்டன. 



தேசிய மாணவ அமைப்பான கேம்பஸ் பிரண்ட் ஆப் இந்தியாவின் கோவை மாவட்ட பொதுக்குழு கூட்டம் கோவை ரயில் நிலையம் எதிரில் உள்ள தனியார் மண்டபத்தில் இன்று நடைபெற்றது. இந்த பொதுக்குழு கூட்டத்திற்கு அந்த அமைப்பின் மாவட்ட தலைவர் பீர் முகம்மது தலைமை வகித்தார். 



பொதுக்குழுவில் கேம்பஸ் பிரண்ட் ஆப் இந்தியா-வின் அடுத்த ஆண்டுக்கான புதிய நிர்வாகிகள் தேர்ந்தெடுக்கப்பட்டனர். அதோடு, மாவட்டத்தில் பழமையான பள்ளி கட்டிடத்தால் மாணவர்களின் உயிருக்கு ஆபத்து உள்ளதால் அதனை சீரமைக்க வலியுறுத்துதல் உள்ளிட்ட 6 தீர்மானங்கள் நிறைவேற்றப்பட்டன.