நீலகிரியில் பெய்த சாரல் மழையால் சுற்றுலாப் பயணிகள் மற்றும் பொதுமக்கள் மகிழ்ச்சி

நீலகிரி: நீலகிரி மாவட்டத்தில் பெய்த லேசான மழையின் காரணமாக ஏற்பட்ட சீதோஷன நிலை சுற்றுலாப் பயணிகள் மற்றும் பொதுமக்களை மகிழ்ச்சியில் ஆழ்த்தியுள்ளது. 

நீலகிரி மாவட்டத்தில் கடந்த மாதம் முழுவதும் பனியின் தாக்கம் அதிகரித்துக் காணப்பட்டது. இதனால், பகல் நேரங்களில் வெயிலின் தாக்கம் அதிகரித்தும், அதிகாலை மற்றும் இரவு நேரங்களில் குளிரின் தாக்கம் அதிகரித்துக் காணப்பட்டது. இந்நிலையில், நேற்று நள்ளிரவு திடீரென இடியுடன் கூடிய மழை பெய்தது. இதனால், உதகை மற்றும் அதன் சுற்றுவட்டார பகுதிகளில் குளிர்ந்த கால நிலை நிலவி வருகிறது. மேலும், தற்போது, நிலவி வரும் சீதோஷன நிலையால், சுற்றுலாப் பயணிகள் மற்றும் பொதுமக்களை மகிழ்ச்சி அடைந்துள்ளனர். மாவட்டம் முழுவதும் 152.20 மி.மீ. மழை பதிவாகியுள்ளது. அதிகப்படியாகக் குந்தா பகுதியில் 31 மி.மீ. மழையும், குறைந்த பட்சமாக உதகையில் 1 மி.மீ. மழையும் பதிவாகியுள்ளது. 

மாவட்டத்தில் முக்கிய இடங்களில் பதிவான மழையின் அளவு பின்வருமாறு : குன்னூர் 19 மி.மீ. கூடலூர் 1 மி.மீ. குந்தா 31 மி.மீ. கேத்தி 4 மி.மீ. கோத்தகிரி 9.20 மி.மீ. நடுவட்டம் 2 மி.மீ. உதகமண்டலம் 1 மி.மீ., கல்லட்டி 1 மி.மீ., கிளன்மார்கன் 4 மி.மீ., அப்பர் பவானி 6 மி.மீ., எமரால்டு 8 மி.மீ., அவலாஞ்சி 9 மி.மீ., கெத்தை 24 மி.மீ., கின்னக்கொரை 24 மி.மீ., தேவாலா 1 மி.மீ., பர்லியாறு 8 மி.மீ., மொத்த அளவு 152.20 மி.மீ., சராசரி அளவு 8.95 மி.மீட்டராகும்.