கார்த்தி சிதம்பரத்திற்கு அமலாக்கத்துறை சம்மன்: 11-ம் தேதிக்குள் நேரில் ஆஜராக உத்தரவு

ஜனவரி 2

வரும் ஜனவரி 11-ம் க்குள் நேரில் ஆஜராகுமாறு முன்னாள் மத்திய அமைச்சர் ப.சிதம்பரத்தின் மகன் கார்த்தி சிதம்பரத்திற்கு அமலாக்கத்துறை சம்மன் அனுப்பியுள்ளது.

ஐ.என்.எக்ஸ். மீடியா நிறுவனத்திற்கு, அன்னிய முதலீட்டு மேம்பாட்டு வாரியத்தின் தடையில்லா சான்று பெற்றுத் தருவதற்காக வெளிநாட்டில் இருந்து சட்ட விரோதமாக பணம் பெற்றதாக கார்த்தி சிதம்பரம் மீது குற்றம்சாட்டப்பட்டுள்ளது. இந்த விவகாரத்தில் அவருக்கு எதிராக லுக் அவுட் நோட்டீஸ் பிறப்பிக்கப்பட்டுள்ளது. இந்நிலையில், இந்த விவகாரம் தொடர்பாக கார்த்தி சிதம்பரத்திற்கு அமலாக்கத்துறை அதிகாரிகள் சம்மன் அனுப்பியுள்ளனர். அதில், ஜனவரி 11-க்குள் நேரில் ஆஜராகி விளக்கமளிக்க உத்தரவிடப்பட்டுள்ளது.