ஆர்.கே. நகரில் தொடர்ந்து முன்னிலை வகிக்கும் தினகரன் !

டிசம்பர் 24

தமிழகம் முழுவதும் பெரும் பரபரப்பை ஏற்படுத்தி வந்த ஆர்.கே. நகர் இடைத் தேர்தலில் சுயேட்சை வேட்பாளர் டி.டி.வி. தினகரன் 8835 வாக்குகள் வித்தியாசத்தில் தொடர்ந்து முன்னிலை வகித்து வருகிறார்.

சென்னை ஆர்.கே. நகரின் தேர்தல் வாக்கு எண்ணிக்கை பல்வேறு பரபரப்புக்கு இடையே ராணி மேரி கல்லூரியில் இன்று (டிசம்பர் 24) நடைபெற்று வருகிறது. முதலில் தபால் வாக்குகள் எண்ணப்பட்டன. ஆர்.கே. நகருக்கு மொத்தம் 4 தபால் வாக்குகள் உள்ள நிலையில் ஒரு தபால் வாக்கு மட்டுமே பதிவானது. அதில் திமுகவே வெற்றி பெற்றது.

அதனைத்தொடர்ந்து, வாக்குப் பதிவு இயந்திரங்களின் மூலம் பதிவான வாக்குகளின் எண்ணிக்கை தொடங்கியது. அதில் முதல் சுற்றில் டி.டி.வி. தினகரன் - 5,339, அதிமுக மதுசூதனன் - 2738, திமுக மருது கணேஷ் - 1181, நாம் தமிழர் கலைக்கோட்டுதயம் - 258, நோட்டா - 122, பாஜக கரு.நாகராஜன் - 66 என வாக்குகள் பெற்றனர். 

பின் இரண்டாம் சுற்று முடிவில் டி.டி.வி. தினகரன் - 10421, அதிமுக மதுசூதனன் - 4521, திமுக மருது கணேஷ் - 2324, நாம் தமிழர் கலைக்கோட்டுதயம் - 459, நோட்டா - 122, பாஜக கரு.நாகராஜன் - 117 வாக்குகள் பெற்றனர்.

மூன்றாம் சுற்று முடிவில் தினகரன் - 15,868, அதிமுக மதுசூதனன் - 7,033, திமுக மருது கணேஷ் - 3,750, நாம் தமிழர் கலைக்கோட்டுதயம் - 459, நோட்டா - 122, பாஜக கரு.நாகராஜன் - 117 வாக்குகள் பெற்றுள்ளனர்.

19 சுற்றுகளாக வாக்கு எண்ணிக்கை நடைபெறவுள்ள நிலையில் தற்போது நான்காவது சுற்று வாக்கு எண்ணிக்கை தொடங்கியுள்ளது.