வரும் 13-ம் தேதி கோவை - சென்னை இடையிலான ரயில் சேவையில் மாற்றியமைப்பு

கோவை, டிசம்பர்  12

திருப்பூர் ரயில்நிலையத்தில் மேற்கொள்ளவிருக்கும் பராமரிப்புப் பணிகள் காரணமாக வரும் 13-ம் தேதி மட்டும் கோவை - சென்னை இடையிலான ரயில் போக்குவரத்து நேரம் மாற்றியமைக்கப்பட்டுள்ளதாக தெற்கு ரயில்வே அறிவித்துள்ளது. 

மாற்றியமைக்கப்பட்ட ரயில்களின் விபரம் பின்வருமாறு :- (13-ம் தேதி (ஒருநாள் மட்டும்)) 

ரயில் எண் : 12675, சென்னை சென்ட்ரல் - கோயம்புத்தூர் கோவை எக்ஸ்பிரஸ். அதிகாலை 06.10 மணிக்கு சென்னையில் புறப்படுவதாக இருந்தது. ஆனால், தற்போது நேரம் மாற்றியமைக்கப்பட்டு, 2 மணி நேரம் 15 நிமிடங்கள் தாமதமாக 08.25-க்கு கிளம்புகிறது. 

ரயில் எண் : 12243, சென்னை சென்ட்ரல் - கோயம்புத்தூர் சதாப்தி எக்ஸ்பிரஸ். காலை 07.15 மணிக்கு சென்னையில் புறப்படுவதாக இருந்தது. ஆனால், தற்போது நேரம் மாற்றியமைக்கப்பட்டு, 2 மணி நேரம் தாமதமாக 09.15-க்கு கிளம்புகிறது. 

ரயில் எண் : 22630, திருநெல்வேலி - டாடர் வாராந்திர ரயில். திருநெல்வேலியில் இருந்து 07.20 மணிக்கு புறப்படுவதாக இருந்தது. ஆனால், தற்போது நேரம் மாற்றியமைக்கப்பட்டு, 1 மணி நேரம் 30 நிமிடங்கள் தாமதமாக 08.50-க்கு கிளம்புகிறது. 

ரயில் எண் : 12676, கோயம்புத்தூர் - சென்னை சென்ட்ரல் கோவை எக்ஸ்பிரஸ். கோவையில் இருந்து பிற்பகல் 02.55 மணிக்கு புறப்படுவதாக இருந்தது. ஆனால், தற்போது நேரம் மாற்றியமைக்கப்பட்டு, 2 மணி நேரம் 15 நிமிடங்கள் தாமதமாக மாலை 05.10-க்கு கிளம்புகிறது.

ரயில் எண் : 12244, கோயம்புத்தூர் - சென்னை சென்ட்ரல் சதாப்தி எக்ஸ்பிரஸ்.  கோவையில் இருந்து பிற்பகல் 03.25 மணிக்கு புறப்படுவதாக இருந்தது. ஆனால், தற்போது நேரம் மாற்றியமைக்கப்பட்டு, 2 மணி நேரம் தாமதமாக 05.25-க்கு கிளம்புகிறது. 

இவ்வாறு தெற்கு ரயில்வே அறிவித்துள்ளது.