கோவை பள்ளி, கல்லூரி மாணவர்களுக்கான வனவிலங்கு வாரக் கொண்டாட்டம்

கோவையில் பள்ளி மற்றும் கல்லூரி மாணவ, மாணவிகளுக்கு வனவிலங்கு வாரம் எனும் நிகழ்ச்சியின் மூலமாக பல்வேறு போட்டிகளை நடத்த கோவை வனத்துறையினர் முடிவு செய்துள்ளனர். வரும் அக்டோபர் முதல் வார ஞாயிற்றுக்கிழமை முதல் இந்தப் போட்டிகளை நடத்த இருப்பதாக அறிவிக்கப்பட்டுள்ளது.  

இது தொடர்பாக, மாவட்ட வனத்துறை அதிகாரி என்.சதிஷ் எழுதியுள்ள கடிதத்தில், பள்ளி, கல்லூரிகளில் மாணவர்களுக்கு 3 விதமான போட்டிகள் நடத்தப்படும். வனம் மற்றும் விலங்குகள் குறித்த வினாடி, வினா, விலங்குகளை பாதுகாப்பது தொடர்பான ஓவியப் போட்டி மற்றும் வனவிலங்குகள் குறித்த பேச்சுப்போட்டி நடத்தப்படும். இவ்வாறு தெரிவித்துள்ளார். 

9 முதல் 12-ம் வகுப்பு வரை பயிலும் மாணவ, மாணவிகள் மற்றும் கல்லூரி மாணவர்கள் மட்டுமே வினாடி வினா போட்டி மற்றும்  வனவிலங்குகள் குறித்த பேச்சுப்போட்டிக்கு தகுதியுடையவர்கள். விலங்குகளை பாதுகாப்பது தொடர்பான ஓவியப் போட்டி பல்வேறு வயது பிரிவுகளின் அடிப்படையில் 6 குழுக்களாக நடத்தப்படும். 

வனவிலங்கு வாரக் கொண்டாட்டத்தில் பங்கேற்க விரும்புவோர் வரும் 21-ம் தேதிக்குள் பெயர் பட்டியலை சமர்பிக்க வேண்டும். வாரந்தோறும் போட்டியில் பங்கேற்பவர்கள் ஞாயிற்றுக்கிழமை வடகோவையில் உள்ள தமிழக வனத்துறை கழக வளாகத்திற்கு வரவேண்டும். 

மேலும் விபரங்களுக்கு, மாவட்ட வன அலுவலகம், கோவை - 0422 - 2456911

எஸ்.சுரேஷ், வனஅதிகாரி, கோவை - 9047066460

எம்.செந்தில், வனஅதிகாரி, மதுக்கரை - 9994449248