கோவை மாநகராட்சி உள்ளாட்சித் தேர்தல் வாக்காளர் பட்டியல் வெளியீடு

கோவை மாநகராட்சியில் சாதாரண உள்ளாட்சித் தேர்தல் 2017-க்கான புகைப்படத்துடன் கூடிய வாக்காளர் பட்டியல் இன்று கோவை மாநகராட்சி உள்ளாட்சி தேர்தல் வாக்காளர் பதிவு அலுவலரும் மாநகராட்சி ஆணையர் மற்றும் தனி அலுவலருமான க.விஜயகார்த்திகேயன் அவர்களால் வெளியிடப்பட்டது.

கோவை மாநகராட்சியின் 100 வார்டுகளுக்கான மொதத் வாக்காளர்கள் 1414312, அவற்றுள் ஆண் வாக்காளர்களின் எண்ணிக்கை 710127, பெண் வாக்காளர்களின் எண்ணிக்கை 704022 மற்றும் பிற வாக்காளர்கள் எண்ணிக்கை 163 ஆகும். கோவை மாநகராட்சி 100 வார்டுகளுக்கான வாக்காளர் பட்டியலின் மொத்த பகுதிகள் 1187, இந்த பகுதிகளுக்கான வாக்குசாவடி விவரங்கள் வருவமாறு, அனைத்து வாக்காளர் வாக்குசாவடிகளின் எண்ணிக்கை 1177, அவற்றுள் பிரத்யேகமாக ஆண் வாக்காளர்களின் வாக்குசாவடிகளின் எண்ணிக்கை - 10, பிரத்யேகமாக பெண் வாக்காளர்களின் வாக்குசாவடிகளின் எண்ணிக்கை - 10, மொத்த வாக்குச்சாவடி மையங்களின் எண்ணிக்கை - 1197 ஆகும்.

கோவை மாநகராட்சி உள்ளாட்சி அமைப்புகளுக்கான வாக்காளர் பட்டியல் பொது மக்கள் பார்வைக்காக கோவை மாநகராட்சி பிரதான அலுவலக வளாகம், அனைதது; மண்டலங்களின் உதவி ஆணையர் அலுவலகங்கள், கோவை மாவட்ட ஆட்சியர் அலுவலகங்கள் ஆகியவற்றுள் வைக்கப்பட்டுள்ளது.

இந்நிகழ்வின் போது மாநகராட்சி துணை ஆணையர் ப.காந்திமதி, மாமன்ற செயலாளர் ஆ.அமுல்ராஜ் ஆகியோர் உள்ளனர்.