கோவையில் வளர்ச்சித் திட்டப் பணிகள் குறித்து அமைச்சர் வே சம்பத்குமார் ஆய்வு

Coimbatore: கோயம்புத்தூர் மாநகராட்சிப் பகுதிகளில் மேற்கொள்ளப்படும் பல்வேறு வளர்ச்சித் திட்டப் பணிகள் குறித்து பிற்படுத்தப்பட்டோர் நலத்துறை அமைச்சர் வே சம்பத்குமார் இன்று (11.09.2026) விரிவான ஆய்வு மேற்கொண்டார். ஆர் எஸ் புரம் கலை அரங்கத்தில் நடைபெற்ற இந்த ஆய்வுக் கூட்டத்திற்கு அமைச்சர் தலைமை வகித்தார்.



மாநகராட்சி ஆணையர் கட்ட ரவி தேஜா IAS முன்னிலையில் நடைபெற்ற இக்கூட்டத்தில், சாலை பணிகள், நமக்கு நாமே திட்டத்தின் கீழ் மேற்கொள்ளப்படும் பணிகள், அம்ருத் திட்டப் பணிகள் ஆகியவை குறித்து அமைச்சர் விரிவாக ஆய்வு மேற்கொண்டார்.



மேலும், குடிநீர் வினியோகம், தெருவிளக்கு பராமரிப்பு, பொதுக் கழிப்பிடங்களின் பராமரிப்பு உள்ளிட்ட பல்வேறு நகராட்சி சேவைகள் குறித்தும் அமைச்சர் விரிவான ஆய்வு மேற்கொண்டார். நகரின் அடிப்படை வசதிகள் மேம்பாட்டுப் பணிகள் குறித்து அதிகாரிகளிடம் விளக்கம் பெற்றார்.



இந்த ஆய்வுக் கூட்டத்தில் துணை ஆணையர்கள் குமரேசன், சரஸ்வதி, தலைமை பொறியாளர் விஜயகுமார், மாநகர நல அலுவலர் Dr சுபாஷ் காந்தி ஆகியோர் கலந்து கொண்டனர். உதவி ஆணையர்கள், செயற்பொறியாளர்கள், உதவி செயற்பொறியாளர்கள், மண்டல சுகாதார அலுவலர்கள் உள்ளிட்ட பல்வேறு துறை அதிகாரிகளும் இக்கூட்டத்தில் பங்கேற்றனர்.