தென்மேற்கு பருவமழையால் கோவை மாவட்ட அணைகளில் நீர்மட்டம் உயர்வு

Coimbatore: தென்மேற்கு பருவமழையின் தொடர் தாக்கத்தால் கோவை மாவட்டத்தில் உள்ள முக்கிய அணைகளில் நீர்வரத்து அதிகரித்து வருவதாக நீர்வளத்துறை அதிகாரிகள் தெரிவித்துள்ளனர். ஆழியாறு, பரம்பிக்குளம், சோலையாறு ஆகிய மூன்று அணைகளிலும் குறிப்பிடத்தக்க அளவில் நீர்மட்டம் உயர்ந்துள்ளது.




ஆனைமலையை அடுத்துள்ள ஆழியாறு அணை 120 அடி கொள்ளளவு கொண்டதாகும். அணையின் நீர்ப்பிடிப்பு பகுதிகளில் பெய்த மழையின் நீர் வரத்தால் ஜூலை 6ஆம் தேதி நிலவரப்படி 53.9 அடியாக நீர்மட்டம் உள்ளது. அணைக்கு வினாடிக்கு 193 கன அடி நீர் வரத்து பதிவாகி உள்ளது. தற்போது அணையில் இருந்து வினாடிக்கு 158 கன அடி நீர் வெளியேற்றப்பட்டு வருகிறது.




பொள்ளாச்சியை அடுத்த பரம்பிக்குளம் அணை 72 அடி கொள்ளளவு கொண்டதாகும். தென்மேற்கு பருவமழை தொடர்ந்து பெய்து வருவதால் அணையின் நீர்ப்பிடிப்பு பகுதிகளில் இருந்து தொடர்ந்து நீர்வரத்து கிடைத்து வருகிறது. ஜூலை 6ஆம் தேதி நிலவரப்படி 16.18 அடியாக நீர்மட்டம் உயர்ந்துள்ளது. அணைக்கு வினாடிக்கு 1194 கன அடி நீர்வரத்து பதிவாகியுள்ளது. அணையில் இருந்து வினாடிக்கு 510 கன அடி நீர் வெளியேற்றப்பட்டு வருகிறது.




வால்பாறையை அடுத்துள்ள சோலையாறு அணை 160 அடி கொள்ளளவு கொண்டதாகும். அணையின் நீர்ப்பிடிப்பு பகுதிகளில் பெய்த மழையின் நீர் வரத்தால் ஜூலை 6ஆம் தேதி நிலவரப்படி 86.25 அடியாக நீர்மட்டம் பதிவாகியுள்ளது. அணைக்கு வினாடிக்கு 2701 கன அடி நீர்வரத்து கிடைத்து வருகிறது. மேலும் அணையில் இருந்து வினாடிக்கு 724 கன அடி நீர் வெளியேற்றப்பட்டு வருவதாக நீர்வளத்துறை அதிகாரிகள் தெரிவித்துள்ளனர்.




தென்மேற்கு பருவமழை தொடர்ந்து சாதகமாக இருப்பதால், வரும் நாட்களில் அணைகளுக்கு மேலும் நீர்வரத்து அதிகரிக்கும் என எதிர்பார்க்கப்படுகிறது. விவசாயிகள் மற்றும் பொதுமக்கள் இந்த நீர் வெளியேற்றம் தொடர்பான அறிவிப்புகளை கவனத்தில் கொள்ளுமாறு நீர்வளத்துறை அதிகாரிகள் கேட்டுக்கொண்டுள்ளனர்.