சாரட் குதிரை வண்டியில் பிரசாரம்: சிங்காநல்லூர் தொகுதியில் AIADMK வேட்பாளர் K R ஜெயராம் வாக்கு சேகரிப்பு

Coimbatore: தேசிய ஜனநாயக கூட்டணியின் சிங்காநல்லூர் சட்டமன்ற தொகுதி AIADMK வேட்பாளர் K R ஜெயராம் பாரம்பரிய முறையில் சாரட் குதிரை வண்டியில் அமர்ந்து வாக்கு சேகரிப்பு பணியில் ஈடுபட்டார். பாப்பநாயக்கன் பாளையம் பகுதிக்குட்பட்ட ஆவாரம்பாளையம், இ.பி காலனி, வி.ஜி. ராவ் நகர் உள்ளிட்ட பகுதிகளில் வீதி வீதியாக சென்று பொதுமக்களை சந்தித்தார்.




இரட்டை இலை சின்னத்திற்கு வாக்களிக்குமாறு வேட்பாளர் ஜெயராம் பொதுமக்களிடம் வேண்டுகோள் விடுத்தார். அப்பகுதி மக்கள் மேள தாள முழக்கத்துடன் பூக்கள் தூவி ஆரத்தி எடுத்து உற்சாகமாக வரவேற்றனர். பாரம்பரிய குதிரை வண்டி பிரசாரம் மக்களிடையே பெரும் வரவேற்பை பெற்றது.




இந்த வாக்கு சேகரிப்பு பணியில் பகுதி செயலாளர்கள் மௌனசாமி, வார்டு செயலாளர்கள் C K D யுவராஜ், சந்தானம், ராஜ்குமார், அரவிந்த், ரமேஷ், ரகுநாத், சால்ட் வெள்ளியங்கிரி, ரகுபதி, சாரமேடு பெருமாள் ஆகியோர் கலந்து கொண்டனர். தேசிய ஜனநாயக கூட்டணியின் BJP, AMMK, PMK உள்ளிட்ட கட்சிகளின் நிர்வாகிகள் மற்றும் செயல்வீரர்களும் பங்கேற்றனர்.






AIADMK கட்சியின் நிர்வாகிகள், செயல்வீரர்கள் மற்றும் ஏராளமான பொதுமக்கள் இந்த வாக்கு சேகரிப்பு பணியில் ஆர்வத்துடன் பங்கேற்று ஆதரவு அளித்தனர். பாரம்பரிய சாரட் குதிரை வண்டி பிரசாரம் மூலம் மக்களை நேரடியாக அணுகி தங்களது கருத்துகளை வேட்பாளர் பகிர்ந்து கொண்டார்.