கோவை வி.ஓ.சி. ஸ்கேட்டிங் ரிங்கில் இந்தியா ஸ்கேட் கேம்ஸ் 2024 போட்டிக்கான ஏற்பாடுகளை ஆய்வு செய்த எம்.பி. கணபதி ராஜ்குமார்

Coimbatore: கோவை வி.ஓ.சி. ஸ்கேட்டிங் ரிங்கில் நடைபெறவுள்ள தேசிய அளவிலான இந்தியா ஸ்கேட் கேம்ஸ் 2024 போட்டிக்கான ஏற்பாடுகளை கோவை எம்.பி. கணபதி ராஜ்குமார் நேரில் சென்று ஆய்வு செய்தார். இந்த போட்டியை தமிழ்நாடு ரோலர் ஸ்கேட் அசோசியேசன் மற்றும் கோயமுத்தூர் மாநகராட்சி இணைந்து நடத்துகின்றன.

இன்று (03.08.2024) நடைபெற்ற இந்த ஆய்வில், கோவை மாவட்ட விளையாட்டு மற்றும் இளைஞர் நலத்துறை அலுவலர்கள் மற்றும் CDSA (Coimbatore District Skating Association) நிர்வாகிகள் உடனிருந்தனர். போட்டிக்கான ஏற்பாடுகள் குறித்து எம்.பி. கணபதி ராஜ்குமார் விரிவாக கேட்டறிந்தார்.



வி.ஓ.சி. ஸ்கேட்டிங் ரிங்கின் தற்போதைய நிலை குறித்தும், மேம்பாட்டுப் பணிகள் குறித்தும் எம்.பி. கணபதி ராஜ்குமார் ஆய்வு செய்தார். இந்தியா ஸ்கேட் கேம்ஸ் 2024 போட்டி வெற்றிகரமாக நடைபெற தேவையான அனைத்து உதவிகளையும் வழங்க உறுதியளித்தார்.



இந்த ஆய்வின் போது, வி.ஓ.சி. ஸ்கேட்டிங் ரிங்கின் மேம்பாட்டுப் பணிகளை விரைவுபடுத்த வேண்டும் என்றும், போட்டிக்கு வரும் வீரர்கள் மற்றும் பார்வையாளர்களுக்கு தேவையான அனைத்து வசதிகளையும் உறுதி செய்ய வேண்டும் என்றும் எம்.பி. கணபதி ராஜ்குமார் அதிகாரிகளுக்கு அறிவுறுத்தினார்.