ஒண்டிப்புதூர் ABC மையத்தையும் உக்கடம் கழிவுநீர் சேகரிப்பு மையத்தையும் மாநகராட்சி ஆணையாளர் ஆய்வு

Coimbatore: கோயம்புத்தூர் மாநகராட்சி ஆணையாளர் கட்டா ரவி தேஜா IAS இன்று (27.06.2026) முக்கிய நகர்ப்புற சேவை மையங்களை நேரில் பார்வையிட்டு ஆய்வு மேற்கொண்டார். கிழக்கு மண்டலம் வார்டு எண் 57-க்குட்பட்ட ஒண்டிப்புதூர் பகுதியில் அமைந்துள்ள ABC Centre (வீடில்லா நாய்களின் கருத்தடை அறுவை சிகிச்சை மையம்) மற்றும் தெற்கு மண்டலம் வார்டு எண் 86-க்குட்பட்ட உக்கடம், புல்லுக்காடு பகுதியில் அமைந்துள்ள கழிவுநீர் சேகரிப்பு மையம் ஆகியவற்றை அவர் ஆய்வு செய்தார்.



ஒண்டிப்புதூர் ABC மையத்தில், மாநகராட்சி ஆணையாளர் பராமரிக்கப்பட்டு வரும் வீடில்லா நாய்களையும், கருத்தடை அறுவை சிகிச்சைக்காக பயன்படுத்தப்படும் வாகனங்களையும் நேரில் பார்வையிட்டார். மையத்தின் செயல்பாடுகள் குறித்து அலுவலர்களிடம் விவரங்களை கேட்டறிந்தார். வீடில்லா நாய்களின் நலனுக்கான பணிகள் முறையாக நடைபெறுகின்றனவா என்பதை உறுதிப்படுத்தினார்.

அதனைத் தொடர்ந்து, உக்கடம் புல்லுக்காடு பகுதியில் அமைந்துள்ள கழிவுநீர் சேகரிப்பு மையத்திற்கு சென்ற மாநகராட்சி ஆணையாளர், அங்குள்ள செயல்பாடுகள் குறித்து விரிவாக கேட்டறிந்தார். அம்மையத்தில் மொத்தம் 120 வாகனங்கள் இருப்பதாகவும், அதில் 110 வாகனங்களைக் கொண்டு நாள்தோறும் கழிவுநீர் சேகரிப்பு பணிகள் தொடர்ந்து நடைபெற்று வருவதாகவும் சம்பந்தப்பட்ட அலுவலர்கள் தெரிவித்தனர்.

மேலும், கழிவுநீர் சேகரிப்பு மையத்தில் பராமரிக்கப்பட்டு வரும் பதிவேடுகளையும் ஆணையாளர் நேரில் பார்வையிட்டார். வாகனங்களின் செயல்பாடு, பராமரிப்பு மற்றும் தினசரி சேகரிப்பு விவரங்கள் குறித்த பதிவுகளை ஆய்வு செய்தார். நகரின் சுகாதார பணிகள் திறம்பட நடைபெறுவதை உறுதிசெய்யும் வகையில் இந்த ஆய்வு மேற்கொள்ளப்பட்டது.

இந்த ஆய்வின் மூலம், நகரின் முக்கிய சேவை மையங்கள் சரியான முறையில் செயல்படுகின்றனவா என்பதை உறுதிப்படுத்த மாநகராட்சி நிர்வாகம் முனைப்புடன் செயல்படுவது தெரியவந்துள்ளது.