கோவையில் மக்கள் குறை தீர்ப்பு முகாம்: 71 மனுக்களுக்கு தீர்வு

கோவை: கோவை மாவட்ட காவல் கண்காணிப்பாளர் அலுவலகத்தில் மக்கள் குறை தீர்ப்பு முகாம் இன்று (செப்டம்பர் 25) நடைபெற்றது. இந்த முகாமுக்கு கோவை மாவட்ட காவல் கண்காணிப்பாளர் கார்த்திகேயன் தலைமை வகித்தார்.

இந்த முகாமில் பணப்பரிமாற்ற பிரச்சனை மற்றும் இடப்பிரச்சினை தொடர்பான 82 மனுக்கள் பெறப்பட்டன. இந்த மனுக்கள் மீது விசாரணை மற்றும் மறுவிசாரணை மேற்கொள்ளப்பட்டது.



மொத்தம் பெறப்பட்ட 82 மனுக்களில், 71 மனுக்களுக்கு சுமூகமான முறையில் தீர்வு காணப்பட்டது. மீதமுள்ள 11 மனுக்கள் மீது மேல்விசாரணை செய்ய பரிந்துரை செய்யப்பட்டது.

இந்த மக்கள் குறை தீர்ப்பு முகாம் மூலம் பொதுமக்களின் பிரச்சினைகளுக்கு விரைவான தீர்வு காணப்பட்டுள்ளது. இது போன்ற முகாம்கள் தொடர்ந்து நடத்தப்படும் என்று காவல்துறை அதிகாரிகள் தெரிவித்தனர்.