கோவையில் வ.உ.சிதம்பரனாரின் 153வது பிறந்தநாள்: சிலைக்கு மாலை அணிவித்து மரியாதை செலுத்திய அதிகாரிகள்

Coimbatore: கப்பலோட்டிய தமிழன் வ.உ.சிதம்பரனாரின் 153வது பிறந்தநாள் இன்று (செப்.5) கொண்டாடப்படுகிறது. இதனையொட்டி அனைத்து மாவட்டங்களிலும் சிதம்பரனாரின் சிலைக்கும் படத்திற்கும் பல்வேறு தரப்பினர் மலர் தூவி மரியாதை செலுத்தி வருகின்றனர்.

அதன் ஒரு பகுதியாக கோவையில் வ.உ.சி மைதானத்தில் உள்ள வ.உ.சிதம்பரனாரின் சிலைக்கு உயர் அதிகாரிகள் மரியாதை செலுத்தினர். கோவை மாவட்ட ஆட்சித்தலைவர் Kranthi Kumar Pati, மாநகர காவல் ஆணையாளர் பாலகிருஷ்ணன், மாநகராட்சி மேயர் ரங்கநாயகி, மாநகராட்சி ஆணையாளர் M Sivaguru Prabhakaran, துணை மேயர் வெற்றி செல்வன் ஆகியோர் சிலைக்கு மலர் மாலை அணிவித்து மரியாதை செலுத்தினர்.



வ.உ.சிதம்பரனாரின் பிறந்தநாளை முன்னிட்டு, மாநிலம் முழுவதும் பல்வேறு நிகழ்ச்சிகள் நடைபெற்று வருகின்றன. சுதந்திரப் போராட்ட வீரர் மற்றும் தேசியவாதியான வ.உ.சிதம்பரனாரின் தியாகங்களையும், சாதனைகளையும் நினைவுகூரும் வகையில் இந்த நிகழ்வுகள் ஏற்பாடு செய்யப்பட்டுள்ளன.