News
கோவை மாவட்டத்தில் காவல்துறை சார்பில் 8 இடங்களில் குழந்தைகள் தின விழா - 424 மாணவர்கள் பங்கேற்பு
SimpliCity News Team · 8 days ago

Coimbatore: கோவை மாவட்ட காவல்துறையின் பாய்ஸ் & கேர்ள்ஸ் கிளப் சார்பில் மாவட்டத்தில் உள்ள 8 இடங்களில் குழந்தைகள் தின விழா சிறப்பாக கொண்டாடப்பட்டு, மொத்தம் 424 மாணவ மாணவிகள் பல்வேறு போட்டிகளில் ஆர்வமுடன் பங்கேற்றனர்.
கோவை மாவட்ட காவல் கண்காணிப்பாளர் ஏ. பவன் குமார் ரெட்டி, இ.கா.ப., அவர்களின் உத்தரவின்பேரில், கோவை மாவட்ட காவல் நிலைய எல்லைக்குட்பட்ட பகுதிகளில் செயல்பட்டு வரும் சிறுவர் சிறுமியர் மன்றங்கள் மூலம் 14.11.2026 அன்று குழந்தைகள் தினம் சிறப்பாக கொண்டாடப்பட்டது.
குழந்தைகள் தினத்தை முன்னிட்டு கோவை மாவட்டத்தில் உள்ள 8 இடங்களில் பள்ளி மாணவ மாணவிகளுக்கு விளையாட்டு, பேச்சுப்போட்டி, சிலம்பம், ஓவியம், கட்டுரை, சதுரங்கம் மற்றும் விழிப்புணர்வு நிகழ்ச்சிகள் நடத்தப்பட்டன.
நிகழ்ச்சி நடைபெற்ற இடங்கள் மற்றும் விபரம் பின்வருமாறு:
பெரியநாயக்கன்பாளையம்: அரசு மேல்நிலைப் பள்ளி, நரசிம்மநாயக்கன்பாளையத்தில் விளையாட்டு, பேச்சுப்போட்டி மற்றும் சிலம்பம் நடைபெற்றது. இதில் 70 நபர்கள் பங்கேற்றனர்.
பேரூர் (சுண்டக்காமுத்தூர்): அரசு உயர்நிலைப் பள்ளி, சுண்டக்காமுத்தூரில் ஓவியப் போட்டி நடைபெற்றது. இதில் 56 நபர்கள் பங்கேற்றனர்.
கிணத்துக்கடவு: அரசு மேல்நிலைப் பள்ளி, கிணத்துக்கடவுவில் கட்டுரைப் போட்டி நடைபெற்றது. இதில் 25 நபர்கள் பங்கேற்றனர்.
சூலூர்: சூலூர் காவல் நிலைய வளாகத்தில் கட்டுரை மற்றும் ஓவியப் போட்டி நடைபெற்றது. இதில் 60 நபர்கள் பங்கேற்றனர்.
பொள்ளாச்சி கிழக்கு: காவல் சமுதாயக் கூடம், பொள்ளாச்சியில் கட்டுரை மற்றும் ஓவியப் போட்டி நடைபெற்றது. இதில் 50 நபர்கள் பங்கேற்றனர்.
பொள்ளாச்சி மேற்கு: நகராட்சி ஆண்கள் மேல்நிலைப் பள்ளி, பாலக்காடு ரோடு, பொள்ளாச்சியில் சதுரங்கம் மற்றும் ஓவியப் போட்டி நடைபெற்றது. இதில் 50 நபர்கள் பங்கேற்றனர்.
ஆனைமலை: அரசு ஆண்கள் மேல்நிலைப் பள்ளி, முக்கோணம், ஆனைமலையில் பேச்சு, கட்டுரை மற்றும் ஓவியப் போட்டி நடைபெற்றது. இதில் 31 நபர்கள் பங்கேற்றனர்.
மேட்டுப்பாளையம்: அரசு மேல்நிலைப் பள்ளி, ஆசிரியர் காலனி, CTC டெப்போ, மேட்டுப்பாளையத்தில் கட்டுரைப் போட்டி மற்றும் விழிப்புணர்வு நிகழ்ச்சி நடைபெற்றது. இதில் 82 நபர்கள் பங்கேற்றனர்.
இப்போட்டிகளில் சிறப்பாக செயல்பட்டு வெற்றி பெற்ற மாணவ மாணவிகளுக்கு கோவை மாவட்ட காவல்துறையின் சார்பில் பரிசுகளும், பாராட்டுக்களும் வழங்கப்பட்டன. எதிர்கால சமுதாயத்தின் தூண்களான மாணவர்களின் நல்வாழ்விற்காக காவல்துறை தொடர்ந்து பல்வேறு விழிப்புணர்வு நிகழ்ச்சிகளை முன்னெடுக்கும் எனத் தெரிவிக்கப்படுகிறது.



